Te Kaotioti 17:6 - Te B'aib'ara

⁶ Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Te Kaotioti 17:6 ပူးပေါင်းရင်းမြစ်များ

Taniera 7:21

Ao ngke I tabe ni mataku, ao e buakaniia ana aomata te Atua te koro arei ao e kataenikaiia.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Ioane 2:10

ao e taku nakoina, “A bane n anganaki moa aomata te wain ae rangi n raoiroi, ao ngke a bati n nimma, ao a manga anganaki te wain ae aki bati n raoiroi. Ma ngkoe ko a tia ni kawakina te wain are rangi n raoiroi ni karokoa ngkai!”

M'akuri 22:20

ao ngke e tiringaki Tetebano are e tataetae i bukim, ao ngai naba are I tei ni kakoauaa b'a e bon riai matena, ao I kawakini kunnikaiia ake a kamatea.”

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 13:15

Ao e anganaki te kariaia b'a e na karina te ikeike-ni-maiu i nanon te bouananti are na katotonga tein rab'atan te man are moa ni kaoti, b'a e aonga ni kona n taetae ao ni kamateia aomata ni kabaneia ake a aki taromauria.

Te Kaotioti 13:7

Ao e anganaki naba te kona ni buakaniia ake a itiaki, ma te katae aia kai; ao e anganaki te m'aaka n tauu taekaia baronga nako ma natanaomata ma botannaomata ma aomata nako aika a kakaokoro aia taetae.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.