Te Kaotioti 17:2 - Te B'aib'ara

² are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 17:2 ပူးပေါင်းရင်းမြစ်များ

Ieremia 51:7

B'aburon bon Au m'angko te koora ae e kanoaaki ni wainin uniu. A na manging n te wain aei botannaomatan nako te aonnaba ao a na rangirang.

Naum 3:4

E a katuaaeaki Ninewe ae ainen mataawa ae e kakab'akab'aka, ae e on n taian tabunea aika a kamaamate, ma ni kakaririia botannaomata nako ao n tautoroniia.

Ioane 2:10

ao e taku nakoina, “A bane n anganaki moa aomata te wain ae rangi n raoiroi, ao ngke a bati n nimma, ao a manga anganaki te wain ae aki bati n raoiroi. Ma ngkoe ko a tia ni kawakina te wain are rangi n raoiroi ni karokoa ngkai!”

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 17:13

Ti teuana nanoia, ao a angan te man arei m'aakaia ma aia tautaeka.

Te Kaotioti 17:17

B'a E a tia te Atua ni kaaki i nanoia te kani karaoa ana kaantaninga n te nano ae ti teuana, ao n aroia n anga m'aakaia n tautaeka nakon te man arei, ni karokoa ae a kakoroaki raoi nanon ana taeka te Atua ake a tia n taekinaki.

Te Kaotioti 17:5

ao e koreaki i aon ram'ana te ara ae iai nanona ae raba, ao e kaangai te ara arei: “B'ABURON AE KAKANATO, AE TINAIA KABEKAAU MA B'AIN AON TE ABA AIKA RIAI NI BATI N RIBAKI.”

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.

Te Kaotioti 2:22

Noria, N na kaaoraka neierei, ao uake a wene ni bure ma ngaia, N na karawawataia n te aro ae korakora, ngkana a aki rairi nanoia ni kitan aia m'akuri ake a karaoi ma neierei;

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 9:21

ao a aki rairaki ni kitan aroia ni kamamate, ma n tabunea, ma ni kaib'ab'aru, ma ni kimoa.