Te Kaotioti 17:11 - Te B'aib'ara

¹¹ Ao te man are iai ngkoa ma akea ngkai, bon te kawaniman, are temanna i buakoia ake itiman; ao e nako n te kamateaki.

Te Kaotioti 17:11 ပူးပေါင်းရင်းမြစ်များ

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 13:12

E kamanena ni kabane m'aakan te moa ni man are tiritiri ni m'am'akuri iai i matana. Ao e anai nanoia aomata ni kabaneia i aonnaba b'a a na taromauria te man are moa ni kaoti, are iai ikoakina are kakaiaki are a tia ni mao.

Te Kaotioti 13:3

Iai atun te man arei teuana ae a tia n ikoaki n te ikoaki ae tara n rangi ni kakaiaki, ma e a tia ni mao. Ao a bane kaain te aonnaba n irira te man arei ni mimiakinna.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.