Te Kaotioti 16:9 - Te B'aib'ara

⁹ Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.

Te Kaotioti 16:9 ပူးပေါင်းရင်းမြစ်များ

2.Uea 6:33

I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Ieremia 13:6

Ao tabeua te tai i mwiina, ao e taku te UEA nako iu, “Ko na nako n oki n anaa am kawaerake te kororo.”

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

Iotua 7:19

Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 16:21

Ao aomata a b'akaraki mai karawa n te karau ae matoatoa, ae taian aiti aika bububura, aika tao kaka tebubua te rawawata rawawataia ke e raka riki; ao a taetaebuaka te Atua i bukin te karau n aiti are kamamate; b'a e bon rangi ni kamamate.

Te Kaotioti 2:21

ao I anganna ana tai are e na raira nanona iai man arona ni wene ni bure, ma e rawa ni kan rairaki man arona ni wene ni bure.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;