Te Kaotioti 16:7 - Te B'aib'ara

⁷ Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 16:7 ပူးပေါင်းရင်းမြစ်များ

Itaia 6:6

Ao e kiba nako iu temanna mai buakon b'aai ake a maiu ma te kooro ae e ura ae anaaki man te baonikarea n te karibai ae te biti.

Etekiera 10:2

E taku te UEA nakon te m'aane are e kunnikainna n te niiniira te riinen, “Nakonako i nanon taian wiira akana i rarikin maan akana iai baiia ni kiba ao anai taiani kooro aika a kabuebue n aron ane ko konaa n uotia. Ao i mwiina, ko na kamaaea i aon te kaawa are Ierutarem.” Ao I mataku ngke e karaoa nanon ana taeka te UEA.

Etekiera 10:7

E kaaenakoa baina temanna mai buakoia maan ake aman n anaa te ai mai buakoia ao e angan te m'aane arei tabeua taiani kooro aika a kabuebue. E anaa te kooro te m'aane arei ao i mwiina e nako.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 14:18

Ao e oti nako te anera temanna man te baonikarea; ngaia ae taua taekan te ai. Ao e taetae n te b'anaa ae korakora nakon te anera are iai ana biti are kakang, ao e kaangai, “Ko na kabongana am biti ane kakang, ni korei amwini kureeben aon te aba; b'a a tawaa amwi ni kureebe.”

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;