Te Kaotioti 16:4 - Te B'aib'ara

⁴ Ao te anera are te kateniman e kab'aroa kanoan ana boora i nanoni karaanga ma koburaken raan; ao a riki n raraa raniia.

Te Kaotioti 16:4 ပူးပေါင်းရင်းမြစ်များ

Taian Areru 78:44

E onea ranin aia karaanga nakon te raraa; A aki kona ni moi I-Aikubita b'a akea te ran.

Te Otinako 8:5

N te tai aei, Moote e tuanga Aaron b'a e na taua ana kai i aon te ran. Ao i mwiina, a na tam'arake taian biraoki man taian karaanga ni kabane, taiani kanare, ao taian nei nako i aon Aikubita, ao a kaona aon te aba ni kabane.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Etekiera 35:8

A na onrake aon am maunga ao e na onrake nanon am m'arua nako.

Otea 13:15

E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 16:5

Ao I ongo b'anaan aneran raan, b'a e kaangai, “Ko eti n am moti i bukini baikai, Ngkoe ae Ko tabu, are iai ngkai ao iai ngkoa.