Te Kaotioti 16:12 - Te B'aib'ara

¹² Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.

Te Kaotioti 16:12 ပူးပေါင်းရင်းမြစ်များ

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 42:15

N na kamaunai taiani maunga ma b'aai ni kabane ake a maiu i aoia; N na kaorai taiani karaanga ma taian nei.

Itaia 44:27

Bon Ngai ae I baairea taari ma karaangana nako b'a a na m'autakataka.

Itaia 46:11

ao I karokoa temanna man te aba ae e raroa nako b'a e na karaoa te b'ai ae I tangiria. E buaka mai mainiku, kaanga te aoki ae e kiba rikaaki. Ao ngkai N na kakoroa bukin au berita ma ni karaoa te b'ai are I a tia ni iangoia.

Itaia 8:7

Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

Te Kaotioti 11:14

E a tia n roko te kauoua n rekenikai; noria, ae e na roko ni waetata te katenua n rekenikai!

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 9:14

ngke e kaangai nakon te anera are te kaonoman are iai i rouna te bu, “Ko na kab'araia anera ake aman ake a kabaeaki i rarikin te karaanga are ab'ab'aki are Iuberetiti.”