Te Kaotioti 16:1 - Te B'aib'ara

¹ Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”

Te Kaotioti 16:1 ပူးပေါင်းရင်းမြစ်များ

Taian Areru 79:6

Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Etekiera 10:2

E taku te UEA nakon te m'aane are e kunnikainna n te niiniira te riinen, “Nakonako i nanon taian wiira akana i rarikin maan akana iai baiia ni kiba ao anai taiani kooro aika a kabuebue n aron ane ko konaa n uotia. Ao i mwiina, ko na kamaaea i aon te kaawa are Ierutarem.” Ao I mataku ngke e karaoa nanon ana taeka te UEA.

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 14:15

Ao e oti nako te anera temanna man te Tembora, ao e taetae n te b'anaa ae korakora nakon Teuare tekateka i aon te nang, ao e kaangai, “Ko na karina am biti i buakon uita, ao koroi, b'a e a roko tain te koro uita; a tawaa raoi uaa i aon te aba, ao e a roko aia tai n taiaki.”

Te Kaotioti 14:18

Ao e oti nako te anera temanna man te baonikarea; ngaia ae taua taekan te ai. Ao e taetae n te b'anaa ae korakora nakon te anera are iai ana biti are kakang, ao e kaangai, “Ko na kabongana am biti ane kakang, ni korei amwini kureeben aon te aba; b'a a tawaa amwi ni kureebe.”

Te Kaotioti 15:1

Ao I a manga nora te b'ai teuana i karawa ae e kamimii taraana, ae te b'ai ae ab'ab'aki ae kamimii: bon anera aika itiman, ao iai i rouia kabaneani b'aai ni kamamate; ngaiia aika kaota tokin unin te Atua.

Te Kaotioti 16:17

Ao te anera are te kaitiman e kab'aroa kanoan ana boora i aon te ang; ao e nako te b'anaa man te baonikarea are n te Tembora, ao e kaangai, “E a tia!”

1.Tamuera 15:18

Ngke E kanakoko te UEA n te m'akuri aei, ao E tuangngkami b'a kam na kamaunaia kaain Amareka aika akea bonganaia aikai.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”