Te Kaotioti 15:4 - Te B'aib'ara

⁴ Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 15:4 ပူးပေါင်းရင်းမြစ်များ

Taian Areru 105:7

Bon Atuara te UEA, ao e rooti taabo nako ana kaetitaeka.

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Taian Areru 22:23

Kam na kamoamoaa, ngkami aika kam toro iroun te UEA; Kam na karinea, ngkami aika ana kariki Iakob'a; Ao kam na bane ni maaku i rouna, ngkami aika Iteraera.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 22:3

Ma te Atua ae Ko tabu Ngkoe, ae ko tekateka i aon am kaintokanuea b'a te Uea ae Ko kamoamoaaki irouia Iteraera.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 97:8

A kukurei kaain Tion, ao a kim'areirei kaaini kawan nako Iuta i bukin am Moti, te UEA.

Taian Areru 99:5

Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Itaia 24:15

Ai ngaia are, a na riai n neboa te UEA, ae Atuan Iteraera aomata ni kabane ake i mainiku ao aomata ake i aon taian abam'akoro.

Itaia 25:3

Ao ngkai a nang maakuko ma ni karineko botannaomata aika a korakora ma ni iowawa.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Tekaria 14:16

Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

I-Rom 15:9

ao b'a a aonga n neboa naba te Atua aomata aika tiaki I-Iutaia i bukin arona n nanoanga nakoia, n ai aron are koreaki ni kaangai: “Ma ngaia ae N na karaoiroiko i buakoia Tientaire Ao N na anenea aram.”

1.Betero 1:16

B'a e koreaki ae kaangai, “Kam na itiaki b'a I itiaki Ngai.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 16:5

Ao I ongo b'anaan aneran raan, b'a e kaangai, “Ko eti n am moti i bukini baikai, Ngkoe ae Ko tabu, are iai ngkai ao iai ngkoa.

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.