Te Kaotioti 15:3 - Te B'aib'ara

³ Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 15:3 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

1.Rongorongo 6:49

Bon ti Aaron man ana kariki aika a kariaiakaki n angakarea ao b'ai ni kaboiarara i aon te baonikarea ake uoua ake n te Um'antabunrianna. Bon tabeia te m'akuri n te Tabo are Moan te Tabu ao bootaki ni kab'arabure, n aron are e a tia n anga iai ana mwioko ana toro te UEA are Moote.

2.Rongorongo 24:6

Ma ngaia are, e a manga kawaekoa Ieoiata are te ibonga are e rietaata ao e titirakinna ni kaangai, “E aera ngkai ko aki kanakoia kanoan Rewi b'a a na rikoi taian ronrab'ata? E kariaia ngkoa ana toro te UEA are Moote ao aomata b'a e na rikoaki taian ronrab'ata ma ni kamanenaaki i bukin kateimatoan te Um'antabunrianna.

Neemia 9:14

Ko mwiokoia b'a a na karinea te Taabati ae e tabu, Ko reireina am toro are Moote b'a e na reireiniia am tua.

Iobi 36:24

E neneboaki ni b'aai ni kabane ake E karaoi, ao ko riai naba n neboia.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 105:5

Kam na uring ana m'akuri ake a kamimii ake E karaoi, Ana kakai ma ana moti ake a tia,

Taian Areru 111:2

Ai kamimiira baika E karaoi te UEA! Ane kukurei nanona ni baika E karaoi te Atua A na boni kawakin iai nanoia.

Taian Areru 111:7

E kakaonimaki n arona nako ao E b'ab'aina te eti; A onimakinaki ana taeka ni bane.

Taian Areru 139:14

I katituaraoiko, b'a e kakamaaku ma ni kamimii karaoau iroum; A kamimii baika Ko karaoi, ao I ataia raoi.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 145:6

A na taekin taekan am m'akuri aika korakora, ao ngai N na kaota kakannatom.

Taian Areru 18:30

Te Atua aio, moan te raoiroi arona; A onimakinaki ana taeka! Ai aron te otanga nakoia ake a kataniia i rouna.

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Taian Areru 92:5

Te UEA, ai kamakuraa am M'akuri! ao ai nanora am Iango nako!

Taian Areru 99:4

Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 45:21

“E aera ngkai kam aki ikotaki ma ni kawarai n te kabowi? I bon aki tuangingkami ni boong ake ngkoa te b'ai ae e na riki? Bon ti te Atua Ngai! Akea riki i rarikiu. I karokoa te kaetitaeka ae eti, ao bon iai m'aakau ni kakamaiu.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Te Tua-Kaua 31:30

Ao Moote e tewea te boowi irouia Iteraera ni kabane, b'a e aonga ni kona n reireiniia taekan te anene are E a tia n anganna te UEA. Ao aikai taekana:

Te Tua-Kaua 32:3

Kam na kaai n neboa aran te UEA ae Atuami ae kamimii ma ngai.

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 3:5

E kakaonimaki Moote n ana m'akuri i bukiia ana aomata te Atua ngkai te toro ngaia, ao n arona aei e a kaoti iai baika a na atongaki rimwi iroun te Atua.

Iotua 22:5

Kam na riai ni kaawakin ana tua Moote ake e anganingkami are kaangai, Tangira te UEA ae Atuam, karaoa nanona, ongotaeka nakon ana mwioko, kakaonimaki nakoina, ao m'akuri i rouna ma nanom ao tamneim ni kabane.”

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 11:17

ao a kaangai, “Ti katituaraoiko te Uea ae te Atua ae Moan te M'aka, ae iai ngkai, ao iai naba ngkoa, ao ti kaitauko. b'a Ko a tia ni kabongana m'aakam ae korakora, ao Ko uea!

Te Kaotioti 14:3

ao a anenea te anene teuana ae kanga te anene ae boou, i nanoaan te kaintokanuea ao i mataia baike a maiu ma unimm'aane; ao akea temanna ae kona n reireia te anene arei, b'a ti te koraki ake 144,000 ake a tia ni kamaiuaki mai buakoia kaain aon te aba.

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”