Te Kaotioti 14:7 - Te B'aib'ara

⁷ Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 14:7 ပူးပေါင်းရင်းမြစ်များ

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Taian Areru 115:15

Kam bia kakab'aiaki iroun te UEA, ae karaoa karawa ma aonnaba!

Taian Areru 124:8

E reke buokara mairoun te UEA, are karaoa karawa ma aonnaba.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 36:1

Akea karinean te Atua irouia taani bure; ti te bure kanoan aia iango.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 95:5

Ana b'ai taari, b'a E karaoia, ao ana b'ai naba te aba, b'a E karikia.

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Itaia 40:3

E taakarua temanna ni kaangai, “Kaitiaka te kawai i nanon te rereua! Karaoa te kawai ae e eti i bukin te UEA ae te Atua.

Itaia 40:6

Temanna ae e takaarua n tuangai, ao I titiraki ni kaangai, Tera ae N na takaaruaia?” Bon ti taian uteute ngaira aika aomata, e aki tei maan maiura riki nakon taian uee aika a riki n aki akaaka

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 42:12

Ke a katanoataa aron neboana n taabo nako.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Etekiera 7:6

A na toki maiumi ngkana e roko.

Taniera 8:19

ao e taku, “Te b'ai ae I kaotia nakoim bon b'aai aika a na riki i bukin unin te Atua. E nanonaki rokon te toki n te kaotioti aei.

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

Mataio 25:13

Ma ngaia ae kam na tantani, b'a kam aki ata te bong ke te aoa arei.

Ruka 17:18

Akea temanna ae e noraki b'a e oki n anga neboan te Atua b'a ti te iruwa aei.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

Iotua 7:19

Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 16:9

Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.

Te Kaotioti 18:10

A na tei mai kiraroa, b'a a maaku ni marakina; ao a na kaangai, “Ai kaawa ra, ai kaawa ra, te kaawa are kakannato are B'aburon! are te kaawa are korakora! B'a e roko motikan taekam n te aoa ae ti teuana.”

Te Kaotioti 18:17

B'a a kamaunaki kaub'ai akekei i nanon teuana te aoa.” Ao kaaben ma akana boborau nakon te tabo teuana ma teuana, ao kaimoa ma akana bob'ai i tari, a bane n tei mai kiraroa,

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 4:9

Ao ngkana a anene baike a maiu n neboa ma ni karinea ma ni katituaraoa Teuare tekateka i aon te kaintokanuea, are Teuare maiu n aki totoki,

Te Kaotioti 8:10

Ngke e katanga ana bu te anera are te kateniman, ao e b'aka mai karawa te itoi ae ab'ab'aki, ae ura n ai aron te oi, ao e b'aka i aoni kateni-m'akoroni m'aitini karaanga, ao i aoni koburaken raan.

1.Tamuera 6:5

Ma ngaia are, kam na karekei nimaua taian metera aika koora aika tamnein taiani kinaka aika warebwerebwe ao nimaua naba tamnein taiani kimoa aika kang arokara. B'a ngkana kam karinea aia UEA Iteraera n te b'aintangira aei, ao E na bae ni katoka karikan te kangaanga nako ira ma atuara, ao arokara.