Te Kaotioti 14:4 - Te B'aib'ara

⁴ Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Te Kaotioti 14:4 ပူးပေါင်းရင်းမြစ်များ

Taian Areru 45:14

E kairaki nakon te uea ma kunnikaina ae mataraoi i aona; Ao e iraki nakon te uea irouia taani katoa aika aine, ao ni uotaki naba ngaiia nako ina.

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Ana Anene Toromon 1:3

ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

Ana Anene Toromon 6:8

Tera ngke I konaa ni karekeia onongaun ueanaine, waningaun buu, ao tengaa riki aine tabem'aang!

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Mataio 19:12

B'a iai aomata ake aki kona n iein i bukina b'a bon rikiia mai nanoni biroton tinaia; ao iai tabem'aang ake a karaoaki irouia aomata b'a a na aki kona n iein; ao tem'angina a kataua te aki iein i bukin Uean te Atua. Ane kona ni butim'aea te koaua aei, ao ke e taua.”

Mataio 25:1

N te tai arei, ao Uean te Atua ai aroia tengaun ateiaine, ake a anai aia taura ao a oti nako ni butim'aea teuare te tia iein.

Mataio 8:19

E roko te tia koroboki temanna, ao e taku nakon Iesu, “Te Tia Reirei, N na iririko nakon te tabo are Ko na nako iai.”

Ioane 10:27

A ongo b'anaau au tiibu, ao I kinaia, ao a irirai.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 13:37

E a manga taku riki Betero nakoina, “Te Uea, e aera b'a N na aki kona n iriko ngkai? N na anga maiu i bukim!”

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

1.I-Korinto 16:15

Kam ata Tetebana ma ana utu, b'a ngaiia ake a moa n riki b'a taan onimaki, ao a anga nanoia b'a taani beku i bukiia ake a itiaki: I butingkami, tariu, b'a

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

1.I-Korinto 7:28

Ma ngkana ko mare, ao ko aki bure iai; ao ngkana e mare te aine ae te ateiaine, ao e aki bure naba iai. Ma e na reke i rouia aika a tia ni mare rawawatan te maiu aei, are I aki tangiria b'a e na reke i rouia.

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 21:22

Akea te Tembora teuana ae I noria n te kaawa; b'a te Tembora iai bon te Uea are te Atua are Moan te M'aaka, ma te Tiibuteteei.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 3:4

Ma iai araia tem'angina i roum ikanne i Tareteiti ake a tuai ni kabaarekai kunnikaia: a na nakonako ma Ngai ni kunnikaiia ni kunnikai aika mainaina, b'a a bon tau.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,