Te Kaotioti 14:3 - Te B'aib'ara

³ ao a anenea te anene teuana ae kanga te anene ae boou, i nanoaan te kaintokanuea ao i mataia baike a maiu ma unimm'aane; ao akea temanna ae kona n reireia te anene arei, b'a ti te koraki ake 144,000 ake a tia ni kamaiuaki mai buakoia kaain aon te aba.

Te Kaotioti 14:3 ပူးပေါင်းရင်းမြစ်များ

Taian Areru 144:9

Te Atua, N na anenea te anene ae boou nakoim; N na katanga au b'ai ni katangitang ao N na anene nakoim.

Taian Areru 149:1

Kam na kamoamoa te UEA! Kam na anenea te anene ae boou nakon te UEA; kamoamoaa n aia bootaki ana Aomata aika kakaonimaki nakoina!

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taian Areru 33:3

Anene nakoina n te anene ae boou; Kaoti rabakaumi ni katanga te aabi, ao kanene b'anaami ni kim'areirei!

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Taian Areru 96:1

Kam na anenea te anene ae boou nakon te UEA! Kam na anene nakon te UEA, ngkami aika kaain aonnaba ni kabaneingkami!

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

1.I-Korinto 1:18

B'a te nanobaba taekan te kaibangaki irouia akana nangi mate, ma boni m'aakan te Atua i roura ngaira aika ti kamaiuaki.

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 7:4

Ao I ongo b'a m'aitiia te koraki ake a kanikinaeaki bon tebubua ma abwi ma aua tengaa mai buakoia aia baronga Iteraera ni kabaneia.