Te Kaotioti 14:10 - Te B'aib'ara

¹⁰ ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 14:10 ပူးပေါင်းရင်းမြစ်များ

Karikani B'aai 19:24

Ao e a kab'aka naba te karau te ai ao te atiibu te UEA mai karawa i aon Tootom ma Komora

Iobi 18:15

Ao ngkai, a nang maeka tabeman n ana auti n rianna ngkana e a tia ni kab'akaaki te b'ai n aoraki i nanona i bukin kaitiakan mwiin te aoraki.

Iobi 21:20

Ana riai ni bon oreaki taani bure i bukin aia bure; a bon riai n namakina unin te Atua ae m'aaka.

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taian Areru 37:34

Kaantaninga te UEA, ao ira nanona; E na karineko n anganiko te aba, ao ko na nora ane buakaka ni kakioaki nako.

Taian Areru 52:6

Ane a na nora te baei akana raoiroi ao a na maaku; Ane a na ngareakiniko ao a na kaangai,

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 73:10

n te aro are a ongo aomata irouia ao a ingainga nanoia ni kani kakoauai taeka ake a atong.

Taian Areru 75:8

E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Taian Areru 91:8

Ko na ti tarataraia akana buakaka ma n noori aroia ni karekeaki kaiia.

Itaia 29:9

Kam na tiaoki ao kam na ntongitong, ngkami aika burabeti! Ao e na aki oota raoi ami taratara. Kam na koro ni manging mani bebebebe, ma tiaki mwiin te wain.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 34:9

Ane a na oneaki taian raanga n ran ake i Etom nakon te taa ao e na riki tanona b'a taian burimton ao ane e na ura aon te aba ni kabane.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Ieremia 25:27

E a tia n tuangai ngkoa te UEA b'a N na riai n tuangiia ueea n tatabemaniia nako ni kaangai, “E tuangkami te UEA ae Atuaia Iteraera b'a kam na mooi man m'angkon te wain ae e on n unna. N na kamangingkami ao kam na mumuta. Ao ngkana e kanako ia taani buaka te UEA nako ia botannaomata nako, ao kam na bon konaaki n te kakoaua.”

Ieremia 49:12

Ao a na mooi naba ni m'angkon uniu botannaomata aika a aki riai ni katuaaeaki. Ao tera riki ami anga ni biri nako?

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

B'aeb'aeti 4:21

Kam na ngarengare aika aomatan Etom ma Uti; Kakatonga n aron ae kam kona. B'a ae nang roko naba te kangaanga i aom; ko na kanakonakoaki naba ni bebeekan.

Etekiera 20:48

A na bane n ataia aomata nako b'a bon Ngai ae I kaura, ao e bon aki konaa ni katokaki.”

Etekiera 38:22

N na oroiko n te aoraki ao N na katuaaeko n te mate. Ko na katobibiaki ma am taanga ni buaka ni buakan karawa ma te karau, te karau te aiti, ao te burimton ae e ura.

Ab'akuka 2:16

E na manga okiriko te mamaa n onea mwin te karineaki. Ko na mooi man tatatata. E na kamoiko te UEA ni bon oin m'angkon oream, ao karineam e na onikaki nakon te b'ainrang.

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mareko 8:38

B'a ane mamaa i Rou ao n au taeka n te roro ae kakeaa te Atua, ae te roro ae buakaka aei, ao Natin te Aomata E na mamaa naba i rouna ngkana E roko ma mimitongin Tamana, ao raona anera ake a tabu.”

M'akuri 10:22

Ao ngaiia a kaangai, “Teuare Korenerio, are mataniwin te taanga ni buaka are tebubua kaaina, ae te aomata ae e raoiroi, ae rangi ni karinea te Atua, ae e kakamoamoaki arona irouia I-Iutaia ni kabaneia b'a te aomata ngaia ae e raoiroi, e tuangaki iroun ana anera te Atua b'a e na kaoko nakon ana auti b'a e na ongora n taeka mai roum.”

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 15:7

Ao temanna ni baike a maiu ake aman e angania anera ake itiman boora aika itiua aika koora aika on n unin te Atua, ae maiu n aki totoki.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 20:14

Ao te Mate ma Eriti a teweaki nako nanon te nama are te ai. (Aei te mate are te kauoua, ae te nama are te ai.)

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”