Te Kaotioti 13:8 - Te B'aib'ara

⁸ Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 13:8 ပူးပေါင်းရင်းမြစ်များ

Karikani B'aai 22:7

Ao e taku Itaaka, “Tamau!” Ao e taku Aberaam, “Tera natiu?” Ao e titiraki Itaaka ao e taku, “E aera ngkai ti uouoti taian aia ma te ai, ao e nga te tiibu te teei i bukin te karea?”

Taian Areru 69:28

A bia kamaunaki araia mani bokin te maiu; A bia aki karinaki araia i rarikin araia am Aomata.

Te Otinako 32:32

Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

I-Biribi 4:3

Eng, ao I butiko naba, ngkoe ae raou ni m'akuri ni koaua, b'a ko na buokiia nakanne, b'a a tia ni kakorakoraia ni m'akuri ma ngai i bukin te euangkerio; ao raoia naba Kiremenito ma raou ni m'akuri ake tabem'aang, ake a mena araia n te boki ni Maiu.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Te Kaotioti 12:15

Ao te naeta e katinakoa te ran ae kanga ai aron te karaanga mai wina b'a e na raanga n ri mwin te aine, b'a e aonga n ae e uota nako neierei.

Te Kaotioti 13:12

E kamanena ni kabane m'aakan te moa ni man are tiritiri ni m'am'akuri iai i matana. Ao e anai nanoia aomata ni kabaneia i aonnaba b'a a na taromauria te man are moa ni kaoti, are iai ikoakina are kakaiaki are a tia ni mao.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.

Te Kaotioti 3:5

Ane tokanikai ao e na kunnikaia ni kunnikai aika mainaina; ao N na bon aki kamaunaa arana man te boki ni maiu arei, ao N na kaotia b'a bon au aomata i matan Tamau ao i mataia ana anera.

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”

Te Kaotioti 5:13

Ao I ongo b'anaani baika karikaki ni kabane ake i karawa, ao i aonnaba, ao i aantano, ao ake i marawa, ma baike i nanoia ni kabane, b'a a kaangai: “Ana b'ai te Tiibuteteei ma Teuare tekateka i aon te kaintokanuea te karaoiroaki, ma te karineaki, ma te neboaki, ma te tautaeka, n aki totoki!”

Te Kaotioti 6:1

Ao I nora te Tiibuteteei ngke E kaaki te b'ai ni kanim ae te kanikina are teuana mai buakoni b'aai ni kanim ake itiua, ao I ongo b'anaan temanna mai buakoia baike a maiu ake aman ngke e kaangai, “Mai!” ao kanga ai aron rebwen te baa b'anaana.