Te Kaotioti 13:2 - Te B'aib'ara

² Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.

Te Kaotioti 13:2 ပူးပေါင်းရင်းမြစ်များ

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

Taian Areru 22:21

Kamaiuai mairouia raian aikai; Akea te bae I kona ni kaitaraia iai kaao-m'aane aika tiritiri aikai.

Taeka n Rabakau 17:12

E aki kamaamate riki iraeakin natin te bea nakon te nanobaba ae e taningabono.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Ieremia 13:23

Kam aki konaa ni bitaki ni karaoa ae e raoiroi? A konaa aomata ni bita kuniia, ke e konaa ni kanakoi matamatan kunin te reb'ari? Ngkana e konaa, ao tao kam na konaa naba ni bitaki ao n reireiningkami karaoan ae e raoiroi.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

Te Kaotioti 12:13

Ao te rakon, ngke e ataia b'a e a tia n teweaki nako aon te aba, ao e nako ni kakioa te aine are bungia natina are te mm'aane.

Te Kaotioti 12:15

Ao te naeta e katinakoa te ran ae kanga ai aron te karaanga mai wina b'a e na raanga n ri mwin te aine, b'a e aonga n ae e uota nako neierei.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 13:12

E kamanena ni kabane m'aakan te moa ni man are tiritiri ni m'am'akuri iai i matana. Ao e anai nanoia aomata ni kabaneia i aonnaba b'a a na taromauria te man are moa ni kaoti, are iai ikoakina are kakaiaki are a tia ni mao.

Te Kaotioti 13:4

Ao a bane n taromauria te rakon i bukina ngke e anga te m'aaka n tautaeka nakon te man are tiritiri; ao a taromauria naba te man are tiritiri, ao a kaangai, “Ai antai ae ai aron te man ae tiritiri aei? Ao antai ae kona te buakanna?”

Te Kaotioti 16:10

Ao te anera are te kaniman e kab'aroa kanoan ana boora i aon ana kaintokanuea te man arei; ao e riki n roo aon taabo ake e uea iai, ao aomata a tenatenai neweia b'a a kainano ni maraki;

Te Kaotioti 17:12

“Ao kooro ake tengaun, ake ko noori, bon ueea aika tengaun, aika tuai n reke ueaia; ma a anganaki te m'aaka n tautaeka ngkai kanga ueea, ti teuana te aoa, ni buoka ana tautaeka te man arei.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.