Te Kaotioti 13:13 - Te B'aib'ara

¹³ Ao te man are kaoti mai aantano e karaoi kanikina aika ab'ab'aki, b'a e kab'aka te ai mai karawa nako aon te aba i mataia aomata.

Te Kaotioti 13:13 ပူးပေါင်းရင်းမြစ်များ

1.Uea 18:38

Ao e kanakoa te ai te UEA boni ngkekei naba, ao e kabuoka te karea ma taiani kai ao taian atiibu naba. Ao e kam'aia te tano are i rarikin te baonikarea ni katobibia ma ni kam'aua te ran ni kabane are i nanon te m'anono are e katobibia te baonikarea.

Te Otinako 7:22

Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

Te Otinako 8:7

Ma a kamanenaa m'aakaia taan tabunea ni karaoa te aekaki naba arei.

Te Otinako 9:11

Ao a aki konaa n roko taan tabunea i matan Moote, b'a a onrake n taian kaboa, n ai aroia naba kaain Aikubita ake te korakina.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Mataio 16:1

Ao a roko B'aritaio ma Tarukaio iroun Iesu b'a a na kam'anea; ao a butiia b'a E na karaoa te m'akuri teuana ae kamimii are e na kakoauaki iai b'a iai onimakinana iroun te Atua.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mareko 13:22

Ane a na kaoti kristo ni kewe ao burabeti ni kewe, ao a na kaoti kanikina ma b'aai ni kamimii, b'a a na burebureia ake a rineaki, ngkana a kona.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

Te Kaotioti 11:5

Ao ngkana iai te kairiribai ae kataia ni kani kaikoakia, ao e na kamateaki n te ai are oti nako mai wiia.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:9

Ao a nako ni kabuta aon te aba, ao a otab'aninia neia ni maeka n rianna te koraki ake a itiaki, ma te kaawa are tangiraki; ao e b'aka te ai mai karawa, ao e kabuokiia ni kamaunaia.