Te Kaotioti 12:9 - Te B'aib'ara

⁹ Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 12:9 ပူးပေါင်းရင်းမြစ်များ

Karikani B'aai 3:1

Ao e rangi ni wanawana riki te naeta mai buakoia maan aika kawakawa aika E kariki te Atua. Ao E titiraki te naeta nakon te aine ni kaangai, “E tuangngkami te Atua b'a kam na aki kang uaani kaai man te nne n aroka?”

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

2.Rongorongo 18:21

“N na karaoia ana burabeti Aaba b'a a na manga boni kewea Aaba.” Ao e taku te UEA, “E raoiroi! Naako ngkai ao karaoa anne, E na bon nakoraoi am m'akuri anne.”

Taian Areru 109:6

A taku au kairiribai “Rinea te aomata ae moti buaka b'a e na motika taekan aiau n te kabowi,

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Itaia 27:1

Ao n te bong arei, ao Rib'aietan, ane e na nim'atoaua ma ni birinako manin taari ae e kakamaaku, ma e na tiringnga te UEA n te kabaang ae e kakamaaku, ae e kakang.

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Etekiera 28:16

Ko iokinib'ai ma botannaomata tabeman ao ko a rikirake ni iowawa ao ni buakaka. Ma ngaia are I kairoroiko b'a ko na kiitana Au maunga, ao baika a maiu aika iai baiia ni kiba ake a kakaawakiniko ake a manga kakioko nako man atiibu aika tamaroa.

Mataio 13:39

ao te kairiribai are uniki titania bon te riaboro. Bongin te tai bon tokin aonnaba, ao taan tai bon anera.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 4:1

E kairaki rake ngkanne Iesu iroun te Tamnei are Raoiroi nakon te rereua b'a E na kaririaki iroun te riaboro;

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Mataio 4:5

Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

Mataio 4:8

Ao e a manga kairia te riaboro nakon te maunga ae moan te rietaata, ao e kaoti nako Ina aaba ni kabane ma tamaroaia;

Ruka 10:18

Ao E taku nako ia, “I nora Tatan b'a e b'aka mai karawa kanga ai aron te iti.

Ruka 13:16

Ao te aine aei, ae natin Aberaam, ae e kabaeaki i nanon tebwi ma wanua te ririki iroun Tatan, tiaki b'a e riai b'a e na kab'araki mani kabaeana aei n te bong ae te Taabati?”

Ruka 22:3

Ao e rin Tatan i nanon Iuta are arana teuana Itekariota, are temanna i buakoia uake tengauni ma uoman.

Ruka 22:31

“Timon, Timon! Noria, e a tia n anganaki Tatan te kariaiakaki b'a e na kairingkami nakon te kaririaki, ni kaokoroa te raoiroi man te buakaka, n ai aron te tia ununiki ae kaokoroa te uita mai buakoia titania.

Ruka 8:12

Ake a b'aka ri rarikin te kawai bon aomata ake a tia n ongo; ao e roko te riaboro ao e uota nako te taeka mai nanoia, b'a a aonga n aki onimaki ma n aki kamaiuaki.

Ioane 12:31

Ana tai ngkai te aonnaba aei ni motikaki taekana; te tai naba aei are e na b'aka man ueana iai te tia taua taekan te aonnaba aei;

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

Ioane 16:11

ao e bure ootana n aron ana motiki-taeka te Atua i bukina ngkai e a kaman tia ni motikaki taekan te tia taua taekan te aonnaba aei.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

2.I-Korinto 11:14

Akea te bae e kamimii iai, b'a aio naba aron Tatan: e kona n onikia b'a aongkoa te anera ae raneanea taraana.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

1.Timoteo 2:14

ao e aki m'am'anaki Atam, ma e m'am'anaki te aine, ao e riki b'a te tia ri aon ana tua te Atua.

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

1.Ioane 5:19

Ti ataira b'a mairoun te Atua ngaira, ao aomata aika aomatan te aonnaba ae bubure a mena i aani m'aakan teuare buakaka.

Iuta 1:9

Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 12:7

Ao e riki te buaka i karawa: Mikaera ma ana anera a buakana te rakon; ao e buaka te rakon ma ana anera,

Te Kaotioti 12:8

ma a aki tokanikai; ao e aki manga noraki neia i karawa.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.

Te Kaotioti 2:24

“Ma ngkami, akana nikiraia ami koraki i Tuateira, akana kam aki toua mwin te reirei ae buakaka aei, akana kam aki atai baikana a atongaki irouia tem'angina b'a ana b'ai Tatan aika nano, I aki kani kaaki riki te rawawata teuana i aomi.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 20:8

ao e na nako ni m'am'anaia botannaomata nako ake a mena i aon aaba ni kabane, ake botannaomata ake Koka ma Makoka E na botiia i bukin te buaka; ao m'aitiia ai aroni m'aitin tanon te bike.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

Te Kaotioti 9:1

Ao te anera are te kaniman e katanga ana bu, ao I nora te itoi ae b'aka mai karawa nako aon te aba; ao e anganaki kingini bonotani matan te b'angab'anga are ruo ri kaaki nako Abuto.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;