Te Kaotioti 12:6 - Te B'aib'ara

⁶ Ao e biri nako te aine arei nakon te rereua, nakon te tabo are E katauraoia te Atua i bukina, ike e na tararuaki iai i nanon tengaa ao uabubua ao onongaun te bong.

Te Kaotioti 12:6 ပူးပေါင်းရင်းမြစ်များ

Taniera 12:12

A na kab'aia akana a teimatoa ni kakaonimaki ni karokoa banen 1,335 te bong.

Mataio 4:11

E kitanaki ngkanne Iesu iroun te riaboro; ao noria, a roko anera ni buokia ni baike E kainanoi.

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.

Te Kaotioti 12:4

Ao bukina e uakina iai kateni-m'akoroni m'aitin itoini karawa, ao e tewe nako aon te aba; ao e tei te rakon i matan te aine are nangi bung, b'a e na kana natina n te tai are e bungiaki iai.

Te Kaotioti 13:5

Ao e anganaki te man arei te kona n atongi taeka ni kainikatonga ma taeka ni bakanatua; ao e anganaki te m'aaka ni karaoa ae e kani karaoia abwi ma uoua te nam'akaina.

Te Kaotioti 17:3

Ngke I mena i aani m'aakan ana kairiri te Tamnei, ao E uotai nakon te rereua; ao I nora te aine ae tekateka i aon te man ae uraura ae tiritiri, aika a mena i aon rab'atana ni kabuta aara ni bakanatua, ao itiua atuna, ao tengauni korona.