Te Kaotioti 12:1 - Te B'aib'ara

¹ Ao e kaoti te b'ai ae e rangi ni kamimii taraana i karawa: te aine ae kunnikaiaki n taai, ao e mena nam'akaina i aani waena, ao te baunuea ae tebwi ma uoua itoina i aon atuna.

Te Kaotioti 12:1 ပူးပေါင်းရင်းမြစ်များ

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Ana Anene Toromon 6:10

“Ko karineaki kaanga tanimainikun karawa n te ingabong ko mimitong kaanga nam'akaina are e katekei matara kaanga taai! A m'aaka riki am tabunea nakon taian itoi ni kabane aika i eta.”

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 62:3

Ko na riki b'a te baunuea ae e mimitong, kabaean atuuia uea, nakon te UEA ae Atuami.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 12:38

Ao ngkanne, a titirakina Iesu taani koroboki ma B'aritaio tabem'aang, ao a kangai, “Te Tia Reirei, ti kan nora te kanikina mai Roum.”

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Mareko 13:25

ao e na akea ootan nam'akaina, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Ruka 21:11

Ane e na roko m'aiein te aba ae korakora, ao a na roko roongo ma aoraki aika kamamate n taabo tabeua; ao ane a na roko baika kakamaaku ma kanikina aika ab'ab'aki mai karawa.

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

M'akuri 2:19

N na kaoti baika kamimii i eta i karawa, ao kanikina i nano i aon te aba, n ai aroni baikai: te raraa ma te ai, ma bubu n ai aika matenten.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

I-Karatia 3:27

B'a ngkami ni kabaneingkami akana kam b'abetitoaki nako nanoni Kristo, kam a karina Kristo i aomi b'a kanga ai aron te kunnikai.

I-Karatia 4:26

Ma te Ierutarem are i Karawa e inaomata, ao bon tinara.

I-Karatia 6:14

Ma ngai, I bon aki kani kamoamoaai n te b'ai teuana, ma ti n ana kaibangaki ara UEA are Iesu Kristo; b'a n ana kaibangaki ao ai aron ae mate te aonnaba nako iu, ao ngai nakon te aonnaba.

I-Ebeto 5:32

Bon iai te koaua ae kakannato ae raba i nanon te taeka aei, ma I taku b'a e taekinaki iai Kristo ma te ekaretia.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 12:3

Ao e a manga kaoti te b'ai riki teuana i karawa ae e rangi ni kamimii naba taraana: te man ae te rakon ae korakora ae uraura, ao itiua atuna ao tengauni korona, ao itiua te baunuea i aon atuna.

Te Kaotioti 15:1

Ao I a manga nora te b'ai teuana i karawa ae e kamimii taraana, ae te b'ai ae ab'ab'aki ae kamimii: bon anera aika itiman, ao iai i rouia kabaneani b'aai ni kamamate; ngaiia aika kaota tokin unin te Atua.

Te Kaotioti 21:14

E kateaki te nono aei i aon aana aika tebwi ma uoua, aika koreaki i aoia aara aika tebwi ma uoua aika araia taan tuatua ake tengauni ma uoman, ake ana tia tuatua te Tiibuteteei.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.