Te Kaotioti 11:7 - Te B'aib'ara

⁷ Ao ngkana a tia n taekina aia rongorongo, ao te man are tiritiri are tabe n rierake mai Abuto e na buakaniia ao e na tokanikai i aoia, ao e na kamateia.

Te Kaotioti 11:7 ပူးပေါင်းရင်းမြစ်များ

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Ruka 13:32

Ao Ngaia E kangai nako ia, Kam na nako n tuanga te arobeke arei ni kangai, “Noria, I kanakoia taimonio, ao I karaoi m'akuri ni kakamaiu n te bong, aei ao ningabong, ao n te katenibong, N na katia iai au m'akuri.”

Ruka 8:31

Ao taimonio, a butia Iesu b'a E na aki kanakoia nako Abuto!

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

Te Kaotioti 12:17

Ao e un te rakon nakon te aine arei, ao e nako b'a e na buakaniia natin neierei ake tabem'aang, ake a kakawakin ana tua te Atua, ma n teimatoa n taua te koaua are E kaotiotia Iesu.

Te Kaotioti 13:11

Ao I nora te man temanna b'a e rierake mai aantano: iai korona aika uaai aika ai aroni koron te tiibuteteei; ao e taetae n ai aron te rakon.

Te Kaotioti 13:7

Ao e anganaki naba te kona ni buakaniia ake a itiaki, ma te katae aia kai; ao e anganaki te m'aaka n tauu taekaia baronga nako ma natanaomata ma botannaomata ma aomata nako aika a kakaokoro aia taetae.