Te Kaotioti 11:6 - Te B'aib'ara

⁶ A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.

Te Kaotioti 11:6 ပူးပေါင်းရင်းမြစ်များ

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

Te Kaotioti 16:3

Ao te anera are te kauoman e kab'aroa kanoan ana boora i marawa; ao e riki n raraa marawa, kanga ai aron raraan te aomata ae mate; ao a bane ni mate maan ake i marawa.

Te Kaotioti 16:4

Ao te anera are te kateniman e kab'aroa kanoan ana boora i nanoni karaanga ma koburaken raan; ao a riki n raraa raniia.

Te Kaotioti 8:8

Ngke e katanga ana bu te anera are te kauoman, ao e teweaki nako marawa te b'ai teuana ae kanga ai aron te maunga ae ab'ab'aki ae ura n te ai; ao e riki n raraa kateni-m'akoroni marawa;

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.