Te Kaotioti 11:18 - Te B'aib'ara

¹⁸ A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 11:18 ပူးပေါင်းရင်းမြစ်များ

Taian Areru 103:11

Rababan ana tangira te UEA kanga ai aron rietaatani karawa mai aon te aba.

Taian Areru 110:5

E mena te Uea i angaataim, ngkana E un, ao E na katae aia kai uea.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 2:5

E na taetae n un nakoia ao E na kakamakuia n unna, ngkai E kaangai,

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Taniera 11:44

Ao ane e na maaku n taian rongorongo ake a roko mai mainiku ao meang are e a riki iai ni buaka n aki akaaka, ma n tiringiia aomata aika a bati.

Taniera 7:26

Ao e na waaki te motikitaeka i karawa, e na anaa m'aakana ma ni kamaunaa teuanne n akea nikirana.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Ruka 1:50

E nanoangaia aomata ake a karinea man te rorona nakon te rorona.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Te Kaotioti 10:7

Ma ngkana e katanga ana bu te anera are te kaitiman, ao te Atua E na kakororaoa ana kaantaninga are raba, n ai aron are E taekinna nakoia ana toro ake burabeti.

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 13:16

Ao e karaoa ae a na bane aomata ake a mangori ma ake a kakannato, ake a kaub'ai ma ake a aki kaub'ai, ake a inaomata ma ake tooro, b'a a na kanikinaeaki i aoni baiia ake ataiia ke i aon ram'aia.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 15:1

Ao I a manga nora te b'ai teuana i karawa ae e kamimii taraana, ae te b'ai ae ab'ab'aki ae kamimii: bon anera aika itiman, ao iai i rouia kabaneani b'aai ni kamamate; ngaiia aika kaota tokin unin te Atua.

Te Kaotioti 15:7

Ao temanna ni baike a maiu ake aman e angania anera ake itiman boora aika itiua aika koora aika on n unin te Atua, ae maiu n aki totoki.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 19:18

b'a kam na kang irikoia ueea ma mataniwi n taanga ni buaka, ma tautia, ma irikoia aoti ma taan toka i aoia, ma aomata ni kabaneia, aika inaomata ma tooro, ma aika mangori ma aika kakannato.”

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.

Te Kaotioti 20:15

Ao ngkana iai ae ataaki b'a akea arana ni bokin te maiu, ao e teweaki nako nanon te nama are te ai.

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.