Te Kaotioti 11:12 - Te B'aib'ara

¹² Ao burabeti ake uoman akekei a ongo te b'anaa ae korakora mai karawa ae kaangai nakoia, “Kam na rierake nako ikai.” Ao a rierake nako karawa n te nang; ao aia kairiribai a tarataraia.

Te Kaotioti 11:12 ပူးပေါင်းရင်းမြစ်များ

2.Uea 2:1

Tabeua te tai i m'aain anaakin Eria nako karawa n te ang ae e korakora iroun te UEA, ao a kaai ni kitana Kirekara Eria ao Eritai.

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

2.Uea 2:5

Ao a titirakina Eritai te koraki ni burabeti teuana aika a maeka ikekei ni kaangai, Ko ataia ae E nang uotaanako am mataniwi te UEA n te bong aei? Ao e kaeka Eritai ni kaangai, Eng, I bon ataia, ma an tai manga tuangai.

2.Uea 2:7

Ao a rimwiia Eria ma Eritai nimangaun taiani burabeti mai Ieriko, ao a tei n tarataraia mai kiiraroa ngke a kaai ni m'ananga ngaiia ake uoman nakon te Karaanga are Ioretan.

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Taian Areru 15:1

Antai ae kona n tiku n ana Tembora te UEA ke ni maeka i aon Ana maunga are tabu Te UEA?

Taian Areru 24:3

Ai antai ae na ararake n ana maunga te UEA? Ao ai antai ae na tei n ana Tabo are Tabu?

Taian Areru 86:17

te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Itaia 14:13

Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 60:8

Tera te b'ai ane e ieie kaanga taian nang ke kaanga taian taobe aika a okira aia auti?

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

M'akuri 1:9

Ngke E a tia n atongi baikai, n te tai are a tabe n tarataraia iai taan tuatua, ao E uotaki rake; ao a aikoa noria ngke a tukaki mataia n te nang.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.

Te Kaotioti 12:5

Ao neierei e bungia natina ae te mm'aane, ae na tauu taekaia botannaomata ni kabaneia, ni kairiia ma te matoa; ao e na anaaki natina n uotaki rake nakon te Atua ao nakon ana kaintokanuea.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”