Te Kaotioti 11:11 - Te B'aib'ara

¹¹ Ma i mwin tenua ma te iterana te bong ao e nako mairoun te Atua te ikeike-ni-maiu, ao e rin i nanoia; ao a teirake i aoni waeia, ao ake a tarataraia a rotaki n te maku ae korakora.

Te Kaotioti 11:11 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

M'akuri 5:11

Ao a taonaki n te maku kaain te ekaretia ni kabaneia, ni botaki ma aomata nako ake a ongo taekani baikekei.

M'akuri 5:5

Ngke e ongo taeka aikai Anania, ao e b'aka b'a e mate; ao a taonaki n te maku ae korakora aomata ake a ongo taekan te baei.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 11:9

Ao tabem'aang mai buakoia natanaomata ma baronga ma botannaomata ma aomata nako aika a kakaokoro aia taetae a taratarai rab'ata ake a mate akekei i nanon tenibong ma te iterana, ao a aki kariaia b'a a na taunaki n te rua ni mate.