Te Kaotioti 11:1 - Te B'aib'ara

¹ Ao I anganaki te kai ae kanga ai aron te kai ni baire; ao I tuangaki ae kaangai, “Tei rake ao bairea ana Tembora te Atua, ma te baonikarea, ao warekia akana taromauri i nanona.

Te Kaotioti 11:1 ပူးပေါင်းရင်းမြစ်များ

Itaia 28:17

A na riki te eti ma te riai b'a taiani koranikaeti ake a na buokai ni kateana.” Ane e na urui ma ni uotinako katanami aika taiani kewe karau atiibu ao taian ieka.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Warekaia Iteraera 33:18

i mwiina, Aterota,

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 10:11

Ao I tuangaki ae kaangai, “E riai b'a ko na manga taetae ni burabeti i bukiia natanaomata ma botannaomata ma aomata nako aika a kakaokoro aia taetae, ao i bukiia naba uea aika bati.”

Te Kaotioti 21:15

Ao te anera are taetae ma ngai iai ana kai ni baire ae te koora, are e na bairea iai te kaawa, ma mataroana nako, ma nonona.