Te Kaotioti 10:6 - Te B'aib'ara

⁶ ao e taetae n tuea n aran Teuare maiu n aki totoki, are karaoa karawa ma baike i nanona, ao te aba ma baike i aona, ao marawa ma baike i nanona, ao e taku b'a akea kamaanan riki te tai.

Te Kaotioti 10:6 ပူးပေါင်းရင်းမြစ်များ

Karikani B'aai 14:22

Ao e taku Aberam. “I a tia n tuea nakon te UEA, ae Moan te Rietaata, ae karaoa karawa ma aonnaba,

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Etekiera 20:5

Tuangiia b'a n taai ake ngkoa Ngai ae te UEA ae te Atua, I rineia Iteraera b'a a na riki b'a au b'ai. Ao I kaoti nakoia aia bakatibu i Aikubita ao I karaoa te berita ae e matoa b'a N na riki b'a Atuaia ao Atuaia aia kariki nako.

Taniera 12:7

Ao e tabeka baina te anera ni kauaai nako karawa, ao e berita n aran te Atua ae akea tokina. Ao I ongo ana taeka ae e kaangai, “E na nakon tenua ma te iterana te ririki. Ngkana e a toki karawawaataia ana Aomata te Atua, ao a na tia ni bane n riki baikai.”

Warekaia Iteraera 14:30

ae na rin n te aba are I a tia ni berita iai b'a N na anganingkami b'a abami ni koaua; a na ti rin iai Kareb'a ma Iotua.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”

Te Kaotioti 16:17

Ao te anera are te kaitiman e kab'aroa kanoan ana boora i aon te ang; ao e nako te b'anaa man te baonikarea are n te Tembora, ao e kaangai, “E a tia!”

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 4:9

Ao ngkana a anene baike a maiu n neboa ma ni karinea ma ni katituaraoa Teuare tekateka i aon te kaintokanuea, are Teuare maiu n aki totoki,

Te Kaotioti 6:11

Ao a bane n anganaki kunnikai aika m'arairai aika mainaina; ao a tuangaki b'a a na motirawa ni katoki kuaia ni kamaniia teutana, ni karokoa ae e koro raoi m'aitiia raoia n toro ma tariia ake a nang kamateaki n ai aroia naba.