Te Kaotioti 10:4 - Te B'aib'ara

⁴ Ao N nang koroboki ngke a kaeka baa ake itiua, ma I a ongo naba te b'anaa mai karawa ae kaangai, “Ko na kawakin ni kanikinaei b'a a na aki kakaotaki baike a a tia n taekini baa ake itiua, ao ko na tai koroi.”

Te Kaotioti 10:4 ပူးပေါင်းရင်းမြစ်များ

Itaia 29:11

Ti te bo ana rongorongo ma te reta nakoimi ae e kanikinaeaki.

Itaia 8:1

E taku te UEA, “Itaia, karekea te b'ai ae ko na koroboki i aona. Ao koroboki ni kabuuburai manin te ara ae, MAE-TARA-ATI-BATI.

Itaia 8:16

A na riai ni kanikinaeaki au rongorongo man anganaki au reirei.

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 12:9

Ao e kaeka ni kaangai, “Ko riai n nako ngkai, Taniera, b'a a na karabaaki ma n aki kaotaki nanon taeka aikai ni karokoa rokon te toki.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:19

Ma ngaia ae ko na koroi taekani baika ko noori, aika baika riki ngkai, ma baika na riki rimwi.

Te Kaotioti 10:8

Ao e a manga taetae naba nako iu te b'anaa are I ongo are roko mai karawa, ao e kaangai, “Ko na nako n anaa te niira ni boki are uki are i nanoni bain te anera are tei i aoni marawa ao i aon te aba.”

Te Kaotioti 22:10

Ao e taku nako iu, Ko na tai kanikinaei n ae a na aki kakaotaki taeka ni burabeti n te niira ni boki aei, b'a e a kaan te tai;