Te Kaotioti 10:11 - Te B'aib'ara

¹¹ Ao I tuangaki ae kaangai, “E riai b'a ko na manga taetae ni burabeti i bukiia natanaomata ma botannaomata ma aomata nako aika a kakaokoro aia taetae, ao i bukiia naba uea aika bati.”

Te Kaotioti 10:11 ပူးပေါင်းရင်းမြစ်များ

Ieremia 25:13

E a tia Au toro are Ieremia n tuangkami te b'ai are N na karaoia nakon B'aburon ao nako ia botannaomata ake tabeua, ao e koroi ni kabane taekaia n te boki. N na karaoi b'aai ni kabane ake I a tia n taekini b'a N na karawaawataingkami iai.

Etekiera 37:4

Ao i mwiina e tuangai b'a N na taetae ni kaangai: Taian rii aika kam m'au, kam na ongora nakon ana taeka te UEA nakoimi,

Etekiera 37:9

Ao i mwiina, E taku te UEA: Etekiera, ko na kaangai ngkai nakon te ang, “E tuangko te UEA b'a ko na uki man taabo nako ao ko na uka te ikeike ni maiu nakon taian rab'ata aika a mate aikai, b'a aonga ni manga maiu.”

Te Kaotioti 10:10

Ao I anaa te nira ni boki are uarereke mai nanoni bain te anera, ao I kanna; ao ai aroni karewen aia karewe manibeeru karewena i nanoni wiiu; ao ngke I a tia ni kanna, ao e mao i nanoni birotou.

Te Kaotioti 11:1

Ao I anganaki te kai ae kanga ai aron te kai ni baire; ao I tuangaki ae kaangai, “Tei rake ao bairea ana Tembora te Atua, ma te baonikarea, ao warekia akana taromauri i nanona.

Te Kaotioti 11:9

Ao tabem'aang mai buakoia natanaomata ma baronga ma botannaomata ma aomata nako aika a kakaokoro aia taetae a taratarai rab'ata ake a mate akekei i nanon tenibong ma te iterana, ao a aki kariaia b'a a na taunaki n te rua ni mate.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 17:10

A b'aka niiman i buakoia man nakoaia n uea, ao e teimatoa uean temanna, ao are temanna e tuai n roko; ao ngkana e roko, ao e na uea i nanon te tai ae aki maan.

Te Kaotioti 17:12

“Ao kooro ake tengaun, ake ko noori, bon ueea aika tengaun, aika tuai n reke ueaia; ma a anganaki te m'aaka n tautaeka ngkai kanga ueea, ti teuana te aoa, ni buoka ana tautaeka te man arei.

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,