Te Kaotioti 10:10 - Te B'aib'ara

¹⁰ Ao I anaa te nira ni boki are uarereke mai nanoni bain te anera, ao I kanna; ao ai aroni karewen aia karewe manibeeru karewena i nanoni wiiu; ao ngke I a tia ni kanna, ao e mao i nanoni birotou.

Te Kaotioti 10:10 ပူးပေါင်းရင်းမြစ်များ

Taian Areru 104:34

E bia kukurei n au iango, ngkai kukureiu boni mai Rouna.

Taian Areru 119:103

A karewerewe riki am Taeka aia karewe manibeeru!

Taian Areru 19:10

E korakora riki kani karekeaia nakoni kani karekean te koora ni koaua; E raka riki reken te kukurei mai iai nakon te kukurei ae reke mani kanakin aia karewe manibeeru ae moan te kangkang.

Taeka n Rabakau 16:24

Ti te bo taeka n akoi ma ana karewe te manibeeru a kakukureiko man anganiko namakinan te korakora.

Etekiera 2:10

E kauka te niira ni boki te bai arei, ao e kanoaki iterana ake uoua n taekan te kananokawaki, te tang ao te rawaawata.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Etekiera 3:3

Ao e taku, “Natin te aomata, kana te niira ni boki aei ae I anganiko; kaona birotom iai.” Ao I kanna, ao kanakina kaanga karewen ana karewe te manibeeru.

Te Kaotioti 10:11

Ao I tuangaki ae kaangai, “E riai b'a ko na manga taetae ni burabeti i bukiia natanaomata ma botannaomata ma aomata nako aika a kakaokoro aia taetae, ao i bukiia naba uea aika bati.”

Te Kaotioti 10:9

Ao I nako n te anera arei, ao I taku nakoina, “Kamai te nira ni boki ane uarereke anne. Ao e kaangai nako iu, Anaia, ao kanna; ao ane e na mao i nanoni birotom, ma e na karewe i nanoni wiim n ai aroni karewen aia karewe manibeeru.”