Te Kaotioti 10:1 - Te B'aib'ara

¹ Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.

Te Kaotioti 10:1 ပူးပေါင်းရင်းမြစ်များ

Taian Areru 104:3

Ko katea mwengam i aon raan ake i etani karawa. Ko kabonganai naang b'a am kaanibuaka, Ao Ko m'am'ananga ni bain te ang.

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Te Otinako 16:10

Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote.

Ana Anene Toromon 5:15

Ti te bo rangana ma taian boua aika maabora i aon raurau ni wae aika koora. E tei ikekei ni karineaki kaanga te Maunga are Reb'anon ma arokana kaai aika tiira aika a rineaki.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 54:9

I berita ngkoa i nanon Nooa b'a N aki manga kamaunaa te aonnaba n te ieka. Ao Ngkai I a manga berita b'a b'a N na aki manga un iroumi ke ni katuaaingkami.

B'aeb'aeti 3:44

A nimaatenten nangin unim n te aro are e a tuuka ara tataro nakoim.

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Taniera 10:6

E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.

Taniera 7:13

I nanon mitaraeakinan baikai n te tairiki anne, I noora kaanga taraan natin te aomata Ao e tabe ni kawarai, ao e katobibiaki n taian nang, ao e nakon Teuare e maiu n akea tokina ao e tei i matana.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Ruka 21:27

Ao ngkanne, ane a na noora Natin te Aomata b'a E na nako mai n te nang ma te m'aaka ao te mimitong ae bati.

M'akuri 26:13

Te uea, i aoni kawaiu ni m'ananga, ngke e a tawanou, ao I nora te oota mai karawa ae raneanea riki ootana nakon ootan taai; e oota i rarikiu ma raou ni m'ananga.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

Te Kaotioti 18:1

I mwini baikai ao I nora te anera temanna b'a e ruo mai karawa. E korakora m'aakana, ao e oota aon te aba ni mimitongina.

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.

Te Kaotioti 20:1

Ao I nora te anera temanna b'a e ruo mai karawa, ao e taua i nanoni baina te taurekereke ae buubura, ma kingin Abuto.

Te Kaotioti 4:3

Ao Teuare tekateka iai e kiakia nako mai Rouna te raneanea ae ai aron raneaneani matan atibu aika kakawaki are te iatebi ma te tarerio; ao e katobibia te kaintokanuea arei Nei Wirara, ae ai aroni matan te atibu ae te timaraketo taraana.

Te Kaotioti 5:2

Ao I nora te anera ae korakora ae taetae n te b'anaa ae korakora ni kaangai, “Antai ae riai ni kauka te nira ni boki ma ni kaaki b'aini kanim'ana ake kanikina?”

Te Kaotioti 8:13

Ao I taratara nako ao I nora te ikare ae ti ngaia ni kibakiba i eta ike e rietaata i aani karawa; ao e kaangai n te b'anaa ae korakora, “A na reke kaiia, a na reke kaiia, a na reke kaiia kaain aonnaba ngkana a tang b'anaani bu ake tabeua ake aia bu anera ake teniman ake a nang katang.”