Te Kaotioti 1:9 - Te B'aib'ara

⁹ Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 1:9 ပူးပေါင်းရင်းမြစ်များ

Mataio 20:23

E taku nako ia, “Kam na boni moi n au m'angko, ma tiaki au b'ai te anganingkami te kona n tekateka i angaataiu ao i angamaingiu; e ti katauaki i bukiia te koraki ake E a tia Tamau ni katauraoia i bukiia.”

Mareko 10:39

A kaeka ao a taku, “Ti kona.” E taku Iesu nako ia, “Kam kona ni moi n te m'angko ae I moi iai; ao kam kona ni b'abetitoaki n te b'abetito ae I b'abetitoaki iai,

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

2.I-Korinto 1:7

E teimatoa ara kaantaninga i bukimi; b'a ti ataingkami b'a ngkai raora ni kamarakaki ngkami, ao bon raora naba ngkami ni karauaki nanora.

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

I-Biribi 4:14

E boni ngae n anne, ma kam a tia ni karaoa ae e raoiroi, ngke kam buokanib'ai ma ngai n rawaawatau.

2.I-Tetaronike 3:5

Ao E na kairi nanomi te Uea nako nanon ana tangira te Atua, ao nako nanon nanom'aakani Kristo.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 1:2

are taekini b'aai ni kabane ake e a tia n noori, are ana taeka te Atua ma te koaua are E kaotiotia Iesu Kristo.

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 11:7

Ao ngkana a tia n taekina aia rongorongo, ao te man are tiritiri are tabe n rierake mai Abuto e na buakaniia ao e na tokanikai i aoia, ao e na kamateia.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 12:17

Ao e un te rakon nakon te aine arei, ao e nako b'a e na buakaniia natin neierei ake tabem'aang, ake a kakawakin ana tua te Atua, ma n teimatoa n taua te koaua are E kaotiotia Iesu.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 14:12

Aei te nanom'aaka ae kaantaningaki mairouia ake a itiaki, ake a tauu ana tua te Atua, ma ni kakaonimaki nakon Iesu.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.