Te Kaotioti 1:8 - Te B'aib'ara

⁸ E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 1:8 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 43:14

E bia karika te aomata arei te Atua ae m'aaka b'a e na nanoangaingkami, b'a e aonga ni kaoka tarimi ae Beniamin ma tarimi naba ake tabeman nako imi. Ngkana tao ai boni katauana b'a a nang akea natiu, ao kai are I a kataua naba.”

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

Te Otinako 3:14

E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.”

Te Otinako 6:3

Ma ngke I kaoti nako ia Aberaam, Itaaka, ao Iakob'a, ao I roko b'a te Atua ae moan te m'aaka ao I aki kamanenaa arau.

Itaia 41:4

Antai ae e kariki b'aai aikai? Antai ae e baairea aron te aomata? Boni Ngai! Bon te UEA Ngai. I mena ikekei ngke e moani karikaki b'aai; Ao N na manga mena naba iai ikekei n te toki.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 48:12

Iteraera ae au aomata ae e rineaki, kakauongo irou Bon ti te UEA Ngai, te moan ao te kabane.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Warekaia Iteraera 24:4

E roko mairoun te UEA te Atua ae Moan te M'aaka. I bobaraaki nako Ina, ao I noora te kaotioti i bukiia Iteraera.

2.I-Korinto 6:18

N na riki b'a Tamami, ao ngkami kam na riki b'a natiu mm'aane ma natiu aine, bon ana taeka te UEA are Moan te M'aka.”

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 11:17

ao a kaangai, “Ti katituaraoiko te Uea ae te Atua ae Moan te M'aka, ae iai ngkai, ao iai naba ngkoa, ao ti kaitauko. b'a Ko a tia ni kabongana m'aakam ae korakora, ao Ko uea!

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

Te Kaotioti 21:22

Akea te Tembora teuana ae I noria n te kaawa; b'a te Tembora iai bon te Uea are te Atua are Moan te M'aaka, ma te Tiibuteteei.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:13

Boni Ngai te Areb'a ao te Omeka, te Moa ao te Toki; boni moani b'aai Ngai ao tokiia naba Ngai.”

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”