Te Kaotioti 1:4 - Te B'aib'ara

⁴ Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 1:4 ပူးပေါင်းရင်းမြစ်များ

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Te Otinako 3:14

E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.”

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Itaia 41:4

Antai ae e kariki b'aai aikai? Antai ae e baairea aron te aomata? Boni Ngai! Bon te UEA Ngai. I mena ikekei ngke e moani karikaki b'aai; Ao N na manga mena naba iai ikekei n te toki.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Tekaria 6:5

Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

M'akuri 19:10

E kakaraoa aei i nanon uoua te ririki, n te aro are a bane n ongo ana taeka te UEA aomata ake a maeka i Atia, ake I-Iutaia ma I-Erene.

M'akuri 2:9

Ngaira aika I-Baretia, ma I-Miria, ma I-Eram, ma aomata aika maeka i Metobotamia, i Iutaia, i Kabatokia ao i Bonto ma Atia,

I-Rom 1:7

nakoia ake a mena i Rom ni kabaneia, ake a tangiraki iroun te Atua, ake a weteaki b'a ana aomata: ami b'ai te akoaki ma te rau mairoun te Atua are Tamara ma te UEA are Iesu Kristo.

1.I-Korinto 1:3

Ami b'ai te akoaki, ma te raoi mairoun te Atua are Tamara, ao mairoun te UEA are Iesu Kristo.

2.I-Korinto 1:2

Ami b'ai te akoaki ma te raoi mairoun te Atua are Tamara ma ara UEA are Iesu Kristo.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 16:5

Ao I ongo b'anaan aneran raan, b'a e kaangai, “Ko eti n am moti i bukini baikai, Ngkoe ae Ko tabu, are iai ngkai ao iai ngkoa.

Te Kaotioti 2:12

“Ao ko na koroboki nakon ana anera te ekaretia are i Berekamo ni kaangai: “E kaangai Teuare iai i rouna te kabaang are kakang, ae uaitera wina,

Te Kaotioti 2:18

“Ao ko na koroboki nakon ana anera te ekaretia are i Tuateira ni kaangai: “E kaangai Natin te Atua, are iai matana aika ai aron uran te ai, ma waena aika ai aron te buraati ae raneanea:

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”

Te Kaotioti 22:8

Boni ngai, ae Ioane, ae I ongo ma n noori baikai. Ao ngke I ongo ma n noori, ao I katorobubua ni bobaraaki i rarikini waen te anera are kaoti baikai nako iu.

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.

Te Kaotioti 3:14

“Ao ko na koroboki nakon ana anera te ekaretia are i Raorikeia ni kaangai: “E kaangai te Amen are te Tia Kaotioti are kakaonimaki are koaua, are a moa mai Rouna baika karikaki iroun te Atua:

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Te Kaotioti 4:5

Ao man te kaintokanuea a nako iti ma b'ana ma rebwerebwen te baa; ao i nanoaan te kaintokanuea a mena iai itiai kaai aika teke i taboia n tatabeua nako baika ura n te ai: bon tamnei ake itiman ake mairoun te Atua.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.