Te Kaotioti 1:3 - Te B'aib'ara

³ E a kab'aia ane wareki taeka ni burabeti aikai, ao a kab'aia naba akana ongo, akana kawakini baika koreaki i nanon te boki aio; b'a e a kaan te tai are a na riki iai baikai.

Te Kaotioti 1:3 ပူးပေါင်းရင်းမြစ်များ

Taeka n Rabakau 8:34

Nakomai nakon au auti ni katoa bong ao ongora irou. Ao ane kam na kunea te kukurei.

Ieremia 51:61

I anga nakon Teraia ao I kaangai: Ngkana kam roko i B'aburon, ko na wareka te niira ni boki aei ni kaoa b'anaam,

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

I-Rom 13:11

Kam bon riai ni karaoa aei, ngkai kam atai kanoani boong aika ti mena iai ngkai. E a bo ami tai ngkai n uti mani matumi. B'a e a uakaan riki ngkai te bong are ti na kamaiuaki iai nakon taina ngkoa ngke ti moa n onimakina iai te UEA.

I-Rom 13:12

E a kani bane te bong, ao e a kaan te ngaina. Ma ngaia ae ti na katikui m'akuri nako aika b'ain te roo, ao ti na anai b'aai ni buaka aika b'ain te oota.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

2.Betero 3:8

Ma aei te koaua teuana ae kam na aki m'aninga taekana, ngkami aika kam tangiraki: b'a ti te bo te bong ae ti te bongina ma ririki aika tengaa iroun te Uea, ao ti te bo tengaa te ririki ma te bong ae ti te bongina i rouna naba.

Te Kaotioti 22:10

Ao e taku nako iu, Ko na tai kanikinaei n ae a na aki kakaotaki taeka ni burabeti n te niira ni boki aei, b'a e a kaan te tai;

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.

Te Kaotioti 22:20

E kaangai Teuare kaoti baikai, “Eng, ae N na roko ni waetata, Amen.” Nako mai, te Uea ae Iesu!

Te Kaotioti 3:11

Ae N na waetata n roko; ko na taua ane i roum, b'a e na aki uota nako am baunuea temanna.