Te Kaotioti 1:17 - Te B'aib'ara

¹⁷ Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:17 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Taian Areru 139:5

Ko mena i rarikiu n iterau nako; Ko kamanoai ni m'aakam.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:4

Antai ae e kariki b'aai aikai? Antai ae e baairea aron te aomata? Boni Ngai! Bon te UEA Ngai. I mena ikekei ngke e moani karikaki b'aai; Ao N na manga mena naba iai ikekei n te toki.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 48:12

Iteraera ae au aomata ae e rineaki, kakauongo irou Bon ti te UEA Ngai, te moan ao te kabane.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Taniera 10:15

Ao ngke e taekini baikai ao I karekea taraan aontano ma n aki kakarongoa.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Mataio 14:27

Ma E waekoa Iesu n taetae nako ia, ao E taku, “Kam na karau nanomi, boni Ngai; tai maaku!”

Mataio 28:4

A rurubenebene tautia ake a tantani b'a a maaku, ao a riki b'a kaanga ai aroia maate.

Mataio 28:5

Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Ioane 13:23

Ao temanna i buakoia ana reirei Iesu, are te reirei are E tangiria Iesu, e rarikiriki ni kaan ma b'anib'anin Iesu.

Ioane 21:20

E rairaki Betero, ao e nora te reirei are E tangiria Iesu b'a e iri; ngaia ngkoa are raraa b'anib'anin Iesu ngke a am'arake n tain te Toa are te Riao, ao ngaia naba are kaangai, “Te Uea, antai ae na kam'aneko?”

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

Te Kaotioti 22:13

Boni Ngai te Areb'a ao te Omeka, te Moa ao te Toki; boni moani b'aai Ngai ao tokiia naba Ngai.”