Te Kaotioti 1:14 - Te B'aib'ara

¹⁴ Ao moanibaan te mainaina atuna ma iran atuna; ao matana ai aron taraan uran te ai,

Te Kaotioti 1:14 ပူးပေါင်းရင်းမြစ်များ

Taniera 10:6

E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.

Taniera 7:9

Ngke I bon tabe ni mamataku, ao e katukaki te kaintoka ni motikitaeka ni nnena. Ao e tekateka i aona Teuare e maiu n akea tokina. A mainaina kunnikaina n ai aron te tinoo, ao irana kaanga ai aron buraen te tiibu ae e boou. E toka ana kai ni motikitaeka i aon wiira aika taian ai aika a ura,

Mataio 28:3

Ao e oota ubuna kaanga ai aron te iti, ao e mainaina kunnikaina n ai aron te tinoo.

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

Te Kaotioti 2:18

“Ao ko na koroboki nakon ana anera te ekaretia are i Tuateira ni kaangai: “E kaangai Natin te Atua, are iai matana aika ai aron uran te ai, ma waena aika ai aron te buraati ae raneanea: