Tekaria 9:7 - Te B'aib'ara

⁷ A na aki manga kana te iriko ni man kaain Biritia ae e raraa ke am'arake aika a aki itiaki. A na riki b'a raoia Ana aomata Atuara man te baronga are Iuta. Ao te Atua E na butim'aia kaain Ekeron, n aron naba are e karaoia nakoia kaain Iebuti.

Tekaria 9:7 ပူးပေါင်းရင်းမြစ်များ

1.Rongorongo 1:14

Kanaan bon aia bakatibu naba kaain Iebuti, kaain Amora, kaain Kirekara,

1.Rongorongo 21:15

Ao i mwiina, e kanakoa te anera ni kamaunaa Ierutarem. Ma ngke e nang waaki te anera arei, ao e a uringaaba te UEA ngke e a noori taian rawaawata ni kabane ake E a tia ni karikia nako ia aomata, ao E taku nakon te anera, “E a bati n tau rawawataia anne.” E riki aei n te tabo ni kaaki kun ni uita are ana b'ai Arauna are kaain Iebu.

Taian Areru 3:7

Te UEA ae te Atua, teirake ao kamaiuai. Orom'angaiia taan ribaai, ao urui naba wiia,

Taian Areru 58:6

Te Atua, Ko na uru wiia raian aika unun aikai.

Itaia 65:4

A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 49:39

Ma I berita b'a n te tai teuana are N na uotiia ami aomata n okira abaia.

Ieremia 49:6

Ma e ngae n anne, ao a na roko boong ake n na uotiia iai au aomata nakon mwengaia. Bon aei au taeka Ngai ae te UEA.

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Tekaria 9:6

Aomata aika bon aekaki tabeua, a na tekateka i Atitota ao bon te UEA n ti Ngaia ae E na kimoa Biritia man kakatongana.

Tekaria 9:8

E taku te UEA, “N na aki mamatu ni kakaawakina au Tembora mairouia aika a na roko ni buakanna. I ataa te b'ai ae e riki, ao bon akea temanna ae e na manga karaoa riki ae e buakaka nakoia Au aomata.”

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.