Tekaria 9:6 - Te B'aib'ara

⁶ Aomata aika bon aekaki tabeua, a na tekateka i Atitota ao bon te UEA n ti Ngaia ae E na kimoa Biritia man kakatongana.

Tekaria 9:6 ပူးပေါင်းရင်းမြစ်များ

Te Minita 6:2

Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!

Itaia 23:9

Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Ieremia 47:1

I m'aain buakanakin te kaawa are Kata i roun uean Aikubita, ao E tuangai te UEA b'a N na taetae nako ia kaain Biritia ni kaangai:

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Teb'ania 2:10

Ao anne aroia aomatan Moaba ma Ammon n oreaki i bukin aia kainikatonga ma aia taetae n aki akaaka nakoia ana aomata te Atua.

Teb'ania 2:4

Bon akea ae e na tiku i m'aiu i Kata. E na riki b'a te tabo ae akea kaina. Ana kanakoaki i Atitota n te tawanou ao aomatan Ekiron ana kanakoaki man aia kaawa.

Tekaria 9:5

A na kaai n ruru ni maaku Atikeron ao Kata. E na b'ara nanon Ekeron. E na tiringaki uean Kata, ao e na akea kaain Atikeron.

Tekaria 9:7

A na aki manga kana te iriko ni man kaain Biritia ae e raraa ke am'arake aika a aki itiaki. A na riki b'a raoia Ana aomata Atuara man te baronga are Iuta. Ao te Atua E na butim'aia kaain Ekeron, n aron naba are e karaoia nakoia kaain Iebuti.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”