Tekaria 9:3 - Te B'aib'ara

³ E a tia Turo ni karaoa te nono ma ni kab'arikoirake taian tirewa ma koora, b'a kaanga ai aron te maange ke te bokaboka mani kawain nako nuukan te kaawa.

Tekaria 9:3 ပူးပေါင်းရင်းမြစ်များ

2.Tamuera 24:7

Ao a roko n nonon Turo, ao a manga ri nanon aia kaawa nako kanoan Iwa ao kanoan Kanaan. Ao kabaneana, a nako Beerateb'a are n Rereuan i Iuta mai maiaki.

1.Uea 10:21

E aki rangi ni kakaawaki te tirewa n taai aikai, ma ngaia are, a bane ni karaoaki b'aai nako n te koora. B'aai n am'arake n te Ru are Buakonikai a bane naba ni koora.

1.Uea 10:27

E buta nanon te kaawa are i Ierutarem n te tirewa i nanon ana tai n uea, ao e koro rawatan naba te kai te tiira kaanga ai aron te tukomorea ni karaabeen taian tabuki.

Iobi 22:24

Karenakoa am koora; tewenakoi ake a rangi n raoiroi i buakon atiibun kabin te karaanga ae m'auteretere.

Iobi 27:16

E ngae ngkana tao a tabukirake ana tirewa te aomata ae buakaka n te aro ae aki kona ni warekia, ao a uataorake riki ana kunnikai nako ia aomata,

Iobi 3:15

Ao i mwiina, N na matu n ai aroia taian nati ni uea aine ake a manga kaoni aia bareti n taiani koora ma tirewa.

Itaia 23:11

E a tia ni kaenakoa baina te UEA ri aon taari, ni kab'arai nanoia botannaomata. E a tia n anga ana babaaire i bukin uruakan taian nono n te aba are Kanaan.

Itaia 23:8

ana taani boob'ai bon taiani uea aika a karineaki ni kabutaa te aonnaba. Antai ae e baairea kamaunaan Turo?

Etekiera 26:12

A na iraei ami b'ai aika a rangi ni kakawaaki taian taanga ni buaka; ao a na urui ami oo, ma ni kamanatuai ami auti aika a boobuaka. Ao i mwiina, a na karenakoaki atiibuna ma kaina ma nikiran b'aina nako i taari.

Etekiera 27:27

A bane ni bua b'aai ni kabane ake a toka iai am kaako aika a kakaawaki, am kaimoa ma am taani kateitei, taan iokinib'ai ao tautia.

Etekiera 27:33

“A kukurei botannaomata ake a reke irouia am b'ai ni kaboob'ai; a rikirake ni kaub'ai taiani uea n taabo nako n am b'ai ni kaboob'ai aika a kakaawaki.

Etekiera 27:34

Ma ko a inako i kabin marawa, ma am kaako ao am kaimoa aika a uamaaenako.

Etekiera 28:1

E taku te UEA ae te Atua:

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Iotua 19:29

E a manga b'aoua te tia nako Rama, ao e roko n te kaawa are e nonoaki are Turo, ao e a manga nako Ota ao e toki n taari are te Mereterenian. A aikai naba kaawa ake a reke i nanon abaia: M'araba, Aketib'a,