Tekaria 9:11 - Te B'aib'ara

¹¹ Ngke I karaoa te boraraoi are e tabu ma ngkami, Au aomata, ti kanikinaea n te raraa. Ngkai tabeman maibuakomi bon taenikai n taian kinono aika akea te ran i nanoia, ma N na roko ni kamaiungkami

Tekaria 9:11 ပူးပေါင်းရင်းမြစ်များ

2.Tamuera 13:13

Ko na iangoai. Ngkana ko karaoa aei nako iu, ao N na bon b'ainrang n aki toki! Ao ko na iangoiko naba. Ane a na bane Iteraera n araniko b'a ko onrake n te nanobaba! Ko na riai n tuanga moa te uea, ngkana tao e na kariaia marem ma ngai.”

2.Rongorongo 7:17

E ongotaeka tamam are Tawita irou, ao ngkai, ngkoe Toromon, ko na katotoongnga naba. Ko na iri nanon au tua ma au reirei nako,

Iobi 33:30

E karekea maiun te aomata, ao E anganna kakukurein te maiu.

Taian Areru 30:3

Ko kawakinai man te ruanimate; Ko kamaiuai ngke I a kani mate.

Taian Areru 40:2

E katikai rake man te kinono ae kamaamate, mai nanon te bokaboka ae nimnim. E kateai raoi i aon te b'a, Ao E kanakonakoai raoi.

Taian Areru 69:33

E ongo te UEA irouia akana kai nanoia, Ao E aki m'anuokin taekaia ana aomata akana taenikai.

Te Otinako 24:8

E anaa raraan te man Moote man taiani boora ao e tatauriia iai aomata. Ao i mwiina, e tuangiia ni kaangai, “E karaoa te boraraoi te UEA n te raraa aei ma ngkami.

Itaia 24:22

E na kab'akaia uea nako nanon taiani m'arua ma ni kaawakiniia kaanga buure. Ao rimwi riki, e na katuaaia.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 51:14

A bane n tang ma te maraki aomata ao a na waekoa ni kainaomataaki; a na kamaiuaki man m'aakan te mate ao a na aki manga baki.

Itaia 58:12

Kam na manga karaoi auti ake uoua ake a tiku n uruaki n ririki aika a bati; ao ko na kinaaki b'a te tia kateitei ngkoa ao te tia karaoa oon te kaawa ao kawain nako nuukan te kaawa.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ieremia 38:6

Ao i mwiin anne, a kaokai nakon aia katawanang taan tei n te bareti, ao a nnaai rikaaki n te roobu nako nanon te m'anib'a are ana m'anib'a Marekia, are te natinuea te mm'aane. Bon akea te ran i nanon te m'anib'a arei, ao I a inako i nanon te bokaboka.

Taniera 2:29

Te uea ae ko karineaki, ngke ko tabe ni matu, ao ko mii kanoan taai aika a na roko; ao te Atua e boni kaota nakoim te kaotioti anne, E kaota nakoim b'aai aika a nang riki.

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Mareko 14:24

Ao E taku nako ia, “Raraau te baei, ae raraan te boraraoi, ae kawawaeaki i bukiia aika bati.

Ruka 16:24

Ao e weteia ni kangai, “Tamau ae Aberaam! ko na nanoangaai, ao kanakomaia Rataro b'a e na kateboa taboni baina n te ran ao e na kam'aitoroa neweu, b'a I kainano ni maraki n uran te ai aei.”

Ruka 22:20

Ao E anaa naba te m'angko i mwin te am'arake ao E karaoa naba are E karaoia ngke E anaa te berena, ao i mwina E kangai, “Te m'angko aei te boraraoi ae boou i nanon raraau, ae kawawaeaki i bukimi.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

1.I-Korinto 11:25

Ngke a a tia n am'arake, ao E anaa te m'angko n aron naba are E karaoia nakon te berena, ao E kangai, “Te m'angko aei, te boraraoi ae boou i nanon raraau. Kam na karaoa aei, n taai ake kam moi iai, b'a kanuringau.”

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

Ebera 10:2

B'a ngke tao e kona, ao tiaki e toki te aba n anganga karea akanne? B'a ngke a kaitiakaki taan taromauri man aia bure, ao akea namakinani mwin te bure i rouia.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,