Tekaria 8:9 - Te B'aib'ara

⁹ Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Tekaria 8:9 ပူးပေါင်းရင်းမြစ်များ

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

2.Rongorongo 15:7

Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

Etira 6:14

Ao a nakoraoi aia m'akuri taani kairiiri mairouia taiani Iutaia n reitakinakoan karaoan te Tembora, ao a tabe Akai ma Tekaria ni kab'arab'ara ni kaungai nanoia. Ai ngaia are, e a tia te Tembora i aan ana kairiiri Atuan Iteraera, ao mai aan naba ana taeka Taraiati, ao Atatokititi are kaain Botia.

Itaia 35:3

Bon aei te rongorongo nakoia aika a mamaara, aika a ruru, aika a iango n raraoma:

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Akai 1:1

Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

Akai 1:12

A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

Akai 2:18

Ko a tia ni katab'anina karaoa aan au Tembora n te bong aei, ma ngaia ae, ko na ongora b'a tera kanoan am bong aika a na roko.

Akai 2:21

Ko na tuanga te kowana i Iuta b'a N nang ioioi taiani karawa ao te aonnaba

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Tekaria 8:18

E tuangai te UEA ae Moan te M'aaka b'a N na kaangai:

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.