Tekaria 8:3 - Te B'aib'ara

³ N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Tekaria 8:3 ပူးပေါင်းရင်းမြစ်များ

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 48:1

E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Te Otinako 29:45

N na maeka i buakomi b'a Atuami Ngai,

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 32:16

E na mari ikekei n te raoiroi ao te eti,

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Itaia 66:20

A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Etekiera 48:35

Ao aran te kaawa ae e boou bon “E mena ikai te UEA.”

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Ioera 3:21

I maeka Ngai ae te UEA i aon te Maunga ae Tion. N na katuaaia taani bure ao N na tei i bukiia aika akea aia bure.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Teb'ania 3:13

Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 14:10

Mai Keeb'a rikaaki nako Rimmon

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Korote 2:9

b'a e bane ni mena te aro n Atua i nanoni Kristo, ni maiuna n aomata.

Te Kaotioti 21:10

Ao e kairai nakon te maunga ae ab'ab'aki ae rietaata, ngke I mena i aani m'aakan ana kairiri te Tamnei; ao e kaota te kaawa are tabu are Ierutarem nako iu ngke e tabe n ruo mai karawa mairoun te Atua, ao e raneanea n raneanean te oota are nako mairoun te Atua;

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.