Tekaria 8:23 - Te B'aib'ara

²³ Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Tekaria 8:23 ပူးပေါင်းရင်းမြစ်များ

Karikani B'aai 31:41

Ao anne arou ngke I mena i nanoni baim i nanon uabwi te ririki. I a tia ni m'akuri i bukin karekeaia natim aine i nanon tebwi ma aua te ririki-ao onoua te ririki i bukin am nanai ni man. Ao tiaki ti ngaia ma ko bita naba boou tebwiina te tai.

Karikani B'aai 31:7

Ao ngaia e a tia n aonikaiai ni manga bita boou tebwina te tai. Ma E kawakinai te Atua b'a N na aki ikoaki i rouna.

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

2.Rongorongo 15:9

Ao e weteia kaain Iuta ma Beniamin Ata, ao ai uana naba ma kaain te aba are Eberaim, Manate Maeao, ao Timeon ake a maeka i Iuta. Angiia aomata aikai a kakaonimaki nakon Ata, i bukina ngke a tia n nooria b'a e meemena te UEA i rouna.

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Iobi 19:3

E aki tau tebwina te tai ni kamamaaeai? ma kam aki mamaa iai?

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Itaia 3:6

Ao ane a na taumatoaia aia koraki tem'angina mani kaangai, “Iai ngkoe kunnikaim ma ko nang riki b'a ara tia kairiiri ao ko na tautaekani b'ariko ni b'ai aika a uruaki aikai.”

Itaia 4:1

Ngkana e riki aei, ao ane a na uneakina temanna te m'aane itiman aine, ao a na kaangai n tatabemaniia, “N na bon kabooi kanau ma kunnikaiu! Ko na ti mare ma ngai b'a a aonga n nako kamamaaeau.”

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 60:3

A na roko botannaomata nako ma uea nako nakon ootan karaangainan ami bong.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Teb'ania 3:19

E a roko te tai! N na katuaaia taan karawawatako; N na kamaiuia ake a ikoaki ao man kaokiia taenikai nakoni mwengaia. N na onika mamaaia nakon karineaia ao ana neboaki n te aonnaba ni kabane.

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Ruka 8:44

E roko n ri akuun Iesu, ao e riinga rabin ana kunnikai; ao n te tai naba arei, ao e toki aorakina n aine.

M'akuri 19:12

n te aro are ngkana a anaaki kunnikai ma kaoanimaono ake a bo ma kunna ao a kakaki i aoia aoraki, ao a kona ni kamaiuaki iai man aorakiia, ao a oti nako naba tamnei aika bubuaka mai rouia.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.