Tekaria 8:19 - Te B'aib'ara

¹⁹ Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Tekaria 8:19 ပူးပေါင်းရင်းမြစ်များ

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

2.Uea 25:25

Bon kaain te utu ni uea teuare Itimaera. Ao i mwiin uoua te nam'akaina i mwiin ana tautaeka Ketaria, ao e m'ananga Itimaera ma tengaun m'aane nako Mitib'a. A tiringa Ketaria ma ana mataniwi, ni ikotaki ma ake mai Iuta ao mai B'aburon.

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Taian Areru 30:11

Ko a tia n onea nanokawakiu nakon te kukurei ae bati; ko uota nako rawaawatau, ao Ko kaonai n te kim'areirei.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Ieremia 36:6

ma ngaia are, ko na onea mwiiu n nako. Ko na taningaa te bong ae e tabu are i mwiina are a na bane n roko iai kaain Iuta n tataro ma n aki am'aam'arake. Ao i mwiina, ko uota te niira ni boki aei nakon te Tembora ni warekia ni kaom'akaa b'anaam.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Ieremia 52:4

N ana karuaiwa n ririki ni uea Tetekia, n te katebwina n nam'akaina, e a kairiia ana taanga ni buaka ae e b'anin Nebukaneta mai B'aburon ni buakana Ierutarem. A katea aia kaemb'a te taanga ni buaka arei i tinanikun te kaawa ao a katei b'ain tam'arakean oon nako te kaawa.

Etekiera 18:8

ao e aki taataui bakaon taian tangom'ane. E rawa ni karaoi m'akuri aika a buakaka; e karaoa ae e raoiroi nakoia aomata nako

Etekiera 24:1

Ruaiwa te ririki i mwiin uotakira nakon Ieoiakin ao ngaira ni kabane b'a taenikai nako B'aburon, ao E taetae te UEA nako iu ni katebwinan bongin te katebwina n nam'akaina. E taku:

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Tekaria 7:5

I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

Tekaria 8:18

E tuangai te UEA ae Moan te M'aaka b'a N na kaangai:

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.