Tekaria 8:13 - Te B'aib'ara

¹³ Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Tekaria 8:13 ပူးပေါင်းရင်းမြစ်များ

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Taian Areru 44:16

n ongou ni b'anaaia aiau ma ake a ribaai.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 79:4

A taetae ni kabuakakaira botannaomata aika maeka i rarikira; A ngareakinira ao a kakanikoira.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 33:24

Ko a tia n ongongo aia taeka ianena ngkana a kamamaaeia Au aomata ni kaangai, E rineia ngkoa Iteraera ma Iuta te UEA, ma ngkai e a katinanikuia, ao a aki manga riki b'a Ana botannaomata.”

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Teb'ania 3:16

E a roko te tai are ana kangai iai nakon Ierutarem. “Ko na tai maaku te kaawa ae Tion! Tai b'arannano.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

Tekaria 1:19

E bon mena ikekei te anera are e kanakoaki b'a e na kab'arab'ara, ma ngaia are, I titirakinna ni kaangai, “Tera nanon baikai?” Ao e taku ana kaeka, “Taian koroniman aikai bon taian botannaomata aika a kamaaenakoia kaain Iuta, Iteraera, ao Ierutarem, ma n anaa inaomataia.”

Tekaria 14:11

i maiakin Ierutarem, e na onikaki te aba ae b'anin nakon aaba aika a boraoi, ao ti Ierutarem ae e bura i aoia. Ao i mwiina, e na on te kaawa irouia aomata, man te Mataroa are Beniamin, ana Tabo Te Mataroa Nikawai, ana taua Ananera ni m'akoron te kaawa are meaang mainiku i aon te Mataroa are Koona i meaang maeao ao rikaaki nakon ana tabo ni kamanti wain te Uea i maiaki. E na teimatoa ni mano raoi Ierutarem n taai nako ao e na aki manga uruanaki.

Tekaria 8:15

Ngkai kam aki manga riai ni maaku. I a tia ni iangoia b'a N na akoa Ierutarem ma Iuta.

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Tekaria 9:13

N na kamanenaa Iuta b'a Au kainikatebe ao Iteraera b'a Au kanoanikatebe. N na anaia kaain Tion b'a Au kabaang ma ni buakaniia kaain Kuriiti.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Karatia 3:14

b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

Te Tua-Kaua 26:19

E karikiia botannaomata ni kabane te UEA, ma E na karikingkami b'a te botannaomata ae rangi ni kinaaki, ao e na reke iroumi te neboaki ma te karineaki ae m'aiti nakoia. Ti ngkami ae kam na b'ainaki iroun te UEA ae Atuami, n aron are a tia ni berita iai.

Te Tua-Kaua 28:37

Ane a na kunnainga kaain aaba tabeua ngkana a noori ami kangaanga, ma a na bon teimatoa ni b'ainingareingkami.