Tekaria 8:12 - Te B'aib'ara

¹² Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

Tekaria 8:12 ပူးပေါင်းရင်းမြစ်များ

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 27:28

Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

Taian Areru 72:3

E bia roko marin aon te aba, ao e bia namakinaki te kaetitaeka ae eti.

Taian Areru 85:12

E na karikirakea kaub'aira te UEA, Ao e na taiaki ae bati mani marin abara.

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 61:7

A na rangi n riiribaaki ao n rangi n aki karaoaki ae e raoiroi nakoia; a na rangi ni kakab'aiaki ngkai ao a na kukukurei n aki toki.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 36:12

N na kaokiia Au aomata nakon mwengaia, ao a na maeka i aon taiani maunga, i bukina b'a aia b'ai ngkoe, ao e na aki manga tare kanaia ake a reereke man karaabeen am maunga.

Etekiera 36:30

A na onrake arokami n taiani uaa, ao a na rikirake taiani uita n ami tawaana nako, n te aro are kam na aki manga mamaa i bukin aki taun kanami.

Etekiera 36:9

N na tararuaingkami ni kamaraua te tano ao n uniki taiani uita ni karaabeen ami maunga aika maiu reirei.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Ioera 2:19

Ao E taku ngke E kaekai aia tataro, “N na anganingkami te uita, te wain ao b'aan te oriwa ae e tau, ni katoka kainanomi. N na aki manga anga ngkami b'a kam na kab'ainrangaki irouia botannaomata.

Ioera 2:22

ao maan aika a aki manana b'a a na katoka maakuia. A manga mawaawa aaba n uteute; a onrake n taiani uaa kainam'arake ma taian biiku. A onrake taian aroka aika kureebe n taiani kureebe,

Nakoaia Ibonga 26:3

Kakaonimaki ongotaeka nakon au tua nako,

Teb'ania 3:13

Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.

Akai 1:10

Ao bon anne naba bukina ngkai e aki b'aka te aoi ao e aki reitinako te tai.

Akai 2:18

Ko a tia ni katab'anina karaoa aan au Tembora n te bong aei, ma ngaia ae, ko na ongora b'a tera kanoan am bong aika a na roko.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

Maraki 3:11

N na katoki taian rookati

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

1.I-Korinto 3:21

Ma ngaia ae e na tai taetae te aomata ni kamoamoa ana m'akuri temanna. B'a bon ami b'ai b'aai ni kabane:

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.

Te Tua-Kaua 33:13

Kanoan Ioteb'a, e na kakab'aiaingkami te UEA n te ran ae e raoiroi man taian m'anib'a aika nano ao man te aoi mai karawa.

Te Tua-Kaua 33:28

Kaain Iteraera, kam na maeka ma te rau; a na maunanako ami kairiribai. E na b'aka te aoi mai karawa, ao a na rangi ni m'aiti ami uita ao ami wain.

Iakobo 3:18

Te maiu ae e raoiroi boni ngaia ae na taiaki b'a te ua are riki man te koraa are unikaki n te raoi irouia taan raoi.