Tekaria 7:9 - Te B'aib'ara

⁹ “Kakoaua raoi b'a e na karaoaki raoi te eti ao b'aina te akoi ao te nanoanga i marenami nako!

Tekaria 7:9 ပူးပေါင်းရင်းမြစ်များ

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

Iobi 31:20

ao N na bon anganna kunnikaina ae karaoaki man buraeia au nanai n tiibu, ao e na neboai ma nanona ni kabane.

Iobi 6:14

I tangiriia raao ni koaua i nanon te kangaanga n aron aei, e aoria ngkana I kiitana te Atua ke I aki.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Ieremia 7:5

N na kaawakiningkami ti ngkana kam bita maiumi. Kam na aki aonikaiia raomi nako.

Etekiera 18:8

ao e aki taataui bakaon taian tangom'ane. E rawa ni karaoi m'akuri aika a buakaka; e karaoa ae e raoiroi nakoia aomata nako

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Otea 12:7

Iteraera, ko kukurei n te kewe ao ko aonikaiia aomata tabem'aang.

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Amota 5:24

Ma ke e raanga rio te kaetitaeka ae ai aron te karaanga ae aki kona ni b'atakataka.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Tekaria 7:7

Bon ti te bo naba au rongorongo n te bong aei ma are I tuangiia burabeti ake mai m'aaina b'a a na taetae nakon Ierutarem ma kaawana nako ngkana e maiu raoi, ao ngkana e bane Iuta, n reitaki ma te Rereua are i Maiaki ao te aba are e tabukibuki, n onrake irouia aomata.

Tekaria 7:8

Ma ngaia are, I a manga tuangkami riki Ngai ae te UEA ae Moan te M'aaka ni kaangai,

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Ruka 11:42

Ma a na reke kaimi B'aritaio! B'a kam anganga teuana te katebwina ni m'akoro man aroka aika te minte, te rue, ao aroka aika boiarara baaia, ao kam aki karaoa nanon te eti ma ana tangira te Atua; baikai aika kam riai ni karaoi, n aki kaaki taekaia akekei.

Ioane 7:24

Kam na aki kairaki n ami motiki-taeka n taraan te b'ai, ma kam na kairaki n ami motiki-taeka n te eti.”

Ioane 7:51

“Tiaki b'a e kaangai taekan ara Tua: b'a e aki kona ni motikaki taekan te aomata ni karokoa ae e a tia moa n ongora te aba mai rouna ao n ataaki b'a tera ae e karaoia.”

Te Tua-Kaua 22:1

Ngkana ko noora te kao ke te tiibu ae m'arua, ao kam na uotarikaaki te man anne nakon te aomata are ana man.