Tekaria 7:5 - Te B'aib'ara

⁵ I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

Tekaria 7:5 ပူးပေါင်းရင်းမြစ်များ

2.Uea 25:23

Ao ngke a ongo taian aobitia n te taanga ni buaka ma tautia b'a e a riki Ketaria b'a aia tia tautaeka, ao a boowi ma ngaia aobitia i Mitib'a. Mm'aane aikai bon Itimaera are natin Netania, Ionatan are natin Karea, Teraia are natin Tanumeta are kaain Nebota, ao Iaatania are kaain Maaka.

2.Uea 25:25

Bon kaain te utu ni uea teuare Itimaera. Ao i mwiin uoua te nam'akaina i mwiin ana tautaeka Ketaria, ao e m'ananga Itimaera ma tengaun m'aane nako Mitib'a. A tiringa Ketaria ma ana mataniwi, ni ikotaki ma ake mai Iuta ao mai B'aburon.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Ieremia 25:11

E na akea kaain te aba aei kaanga te rereua ae akea kaaina, i bukina b'a N na karaoingkami b'a toro i roun uean B'aburon i nanon 70 te ririki.

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Ieremia 52:12

E reke Ierutarem i nanon ana katebwi ma ruaiwa n ririki Nebukaneta ni uea i aon B'aburon. E kaaniia te nam'akaina i mwiina, e roko i Ierutarem ana mataniwi Nebukaneta are e tararuaia taan tei. Arana bon Nebutaratan.

Taniera 9:2

Ao I kamateb'aii booki ake a tabu i nanon ana moan ririki ni uea, ao mani iangoa naba rokon te itibwi n ririki are e na mauna iai Ierutarem, n aron ana taeka ngkoa te UEA nakon te burabeti are Ieremia.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Tekaria 7:4

Ao bon anne te tai are E tuangai iai te UEA ae Moan te M'aaka b'a N na kaangai nakoia aomata ni kabane n te aba arei, n reitaki ma ibonga:

Tekaria 7:6

Ao ngkana kam am'arake ma ni mooi, tiaki bon i bukin kakukureiami?

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Mataio 23:5

A karaoi aia m'akuri ni kabane b'a a aonga n noraki irouia aomata: a karababai aia burakitere, ao a kam'arairai riki rabini kunnikaia!

Mataio 6:16

Ngkana kam aki mamatam, ao tai mata ni kananoanga n ai aroia taani m'am'ana-te-aba: b'a a katarabuakai ubuia b'a e aonga n noraki aia aki-mamatam irouia aomata. E koaua ae I a tuangngkami b'a e a tia n reke i irouia booia mani mwin aia m'akuri.

Mataio 6:2

Ma ngaia aei, ngkana ko angab'ai nakoia aika kainano ao ko na tai katanoata nakoia aomata, n ai aroia taani m'am'ana-te-aba ngkana a angab'ai ni m'aneabaia I-Iutaia ao i nanoni kawai, b'a a aonga ni kamoamoaki iai irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Mataio 6:5

Ngkana kam tataro, ao tai kakairi irouia taani m'am'ana-te-aba! B'a a kan tei n tataro i nanoni m'aneabaia I-Iutaia ao i tutani kawai, b'a a aonga n noraki irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

2.I-Korinto 5:15

ao E mate i bukiia ni kabaneia, b'a a aonga n aki manga kabane maiuia akana maiu, bon i bukiia; ma a na kabane maiuia i bukin Teuare mate i bukiia, ao are E a manga uti naba i bukiia.

I-Korote 3:23

Ao tera ane kam karaoia, kam na karaoia ma nanomi ni koaua, b'a kanga i bukin te UEA, ao tiaki i bukiia aomata;