Tekaria 7:12 - Te B'aib'ara

¹² Ma a tannako mani b'aai nako ao ni kamatoatoai nanoia kanga atiibu. MA a bon aki kan ongo ni baike ake a tuangaki irouia burabeti ake mai m'aaina b'a a na kab'arab'araa. Ma ngaia are, E a maraki nanou

Tekaria 7:12 ပူးပေါင်းရင်းမြစ်များ

2.Rongorongo 36:13

E a tia uean B'aburon are Nebukaneta ni kairoroa Tetekia b'a e na berita n aron te Atua b'a e na kakaonimaki. E taningabono Tetekia ao e rawa n rairaki nako te UEA ae Atuan Iteraera, ma ngaia are, e kaaitaraa Nebukaneta.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 50:17

Ko rawa ni kaetan arom, Ao ko ribaai au tua.

Te Otinako 7:13

Ao e taningamatoa te uea n aron are E taku te UEA ao e aki kan ongo.

Itaia 46:12

Kam bon taningabono ngkami aika aomata ao kam a kan reke n te kangaanga, kam na kakauongo nako iu.

Itaia 48:4

I ataia ae kam taningabono ao kam atuumatoa.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Ieremia 17:1

Kaain Iuta, a aki konaa ni kamaunaaki ami bure. A koreaki i nanomi kaanga taeka aika a koreaki n te unika i aon te atiibu ke nib'aaki i aon koonan taian baonikarea.

Ieremia 17:23

Akea te b'ai teuana ae kam na uoti n rinnako i nanon mataroan te kaawa ke i nanon mataroan ami auti, ke n taabo nako.

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Ieremia 42:21

i bukina b'a I a tia n anganingkami Ana kaeka te UEA, ao kam rawa n ongo i Rouna.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Etekiera 11:19

Ao i mwiina, N na taekiinako taningabonomi ma ni karikingkami b'a kam na rangi ni kan kakaonimaki raoi. Ane kam na tangiria n ongotaeka i Rou

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Etekiera 2:4

A taningabono ao a atumatoa. Ma I a tia n rineiko Ngai ae te UEA ae te Atua b'a ko na tuangiia te b'ai ae I taekinna.

Etekiera 36:26

N na kanakoi nanomi aika a matoatoa ao N na anganingkami nanomi aika a boou ao n tangira te kakaonimaki. E na ti reke iroumi te iango aika a itiaki,

Tekaria 1:2

Iteraera, I rangi n un Ngai ae te UEA ae Moan te M'aaka irouia ami bakatibu.

Tekaria 7:7

Bon ti te bo naba au rongorongo n te bong aei ma are I tuangiia burabeti ake mai m'aaina b'a a na taetae nakon Ierutarem ma kaawana nako ngkana e maiu raoi, ao ngkana e bane Iuta, n reitaki ma te Rereua are i Maiaki ao te aba are e tabukibuki, n onrake irouia aomata.

Mataio 13:15

B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

Mareko 4:12

b'a a aonga n taratara ma n taratara, ma a na aki noraba; b'a a na ongora ma n ongora, ma a na aki atatai: b'a ngkana a noraba ao a atatai, ao ane a na rairi nanoia ao a na kab'araki aia bure.”

Ruka 8:12

Ake a b'aka ri rarikin te kawai bon aomata ake a tia n ongo; ao e roko te riaboro ao e uota nako te taeka mai nanoia, b'a a aonga n aki onimaki ma n aki kamaiuaki.

M'akuri 28:27

b'a a matoatoa nanoia te botannaomata aei, ao a bonoti taningaia, ao a kamaki mataia; b'a a kaawa n te tai teuana n noraba ni mataia, ma n ongo n taningaia, ma n atatai n nanoia, ma n rairaki, ao N na kamaiuia.’ ”

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.